ತಾರತಮ್ಯ ನೀಗಿಸಿ

ಪೊಲೀಸ್ ಇಲಾಖೆಗೆ ಸೇರುವ ಮಾಜಿ ಸೈನಿಕರಿಗೆ ಈ ಇಲಾಖೆಯಲ್ಲಿ ವೇತನ ತಾರತಮ್ಯ ಮಾಡಲಾಗುತ್ತಿದೆ. 2007ನೇ ಸಾಲಿನಲ್ಲಿ ಕಾನ್‌ಸ್ಟೆಬಲ್‌ ಆಗಿ ಇಲಾಖೆಗೆ (ಕಲಬುರ್ಗಿ ಜಿಲ್ಲೆಯಲ್ಲಿ) ಸೇರಿದ ನಮಗೆ, ಈವರೆಗೂ ಕೆಸಿಎಸ್‌ಆರ್‌ (41/C) ಪ್ರಕಾರ ವೇತನ ನಿಗದಿ ಮಾಡದೆ ಅನ್ಯಾಯ ಮಾಡಲಾಗಿದೆ.

ಬೇರೆ ಬೇರೆ ಜಿಲ್ಲೆಗಳಲ್ಲಿ ಪೊಲೀಸರು ನಿಯಮಾನುಸಾರ ವೇತನ ಪಡೆಯುತ್ತಿದ್ದಾರೆ. ಈ ಬಗ್ಗೆ ಹಲವು ಬಾರಿ ಹಿರಿಯ ಅಧಿಕಾರಿಗಳಿಗೆ ಮನವಿ ಮಾಡಿಕೊಂಡರೂ ಪ್ರಯೋಜನವಾಗಿಲ್ಲ. ಮಾಜಿ ಸೈನಿಕರ ಗೋಳು ಕೇಳುವವರೇ ಇಲ್ಲದಂತಾಗಿದೆ. ಸಂಬಂಧಪಟ್ಟವರು ಈ ತಾರತಮ್ಯವನ್ನು ಶೀಘ್ರ ಸರಿಪಡಿಸಬೇಕು.

–2007ನೇ ಬ್ಯಾಚ್‌ನ ಪೊಲೀಸ್ ಕಾನ್‌ಸ್ಟೆಬಲ್‌ಗಳು, ಕಲಬುರ್ಗಿ