ಚೆನ್ನೈ ಓಪನ್‌ ಪುಣೆಗೆ ಸ್ಥಳಾಂತರ?

ನವದೆಹಲಿ: ಎರಡು ದಶಕಗಳಿಂದ ಚೆನ್ನೈನಲ್ಲಿ ನಡೆಯುತ್ತಿದ್ದ ಚೆನ್ನೈ ಓಪನ್‌ ಟೆನಿಸ್ ಟೂರ್ನಿ ಮುಂದಿನ ವರ್ಷದಿಂದ ಪುಣೆಗೆ ಸ್ಥಳಾಂತರಗೊಳ್ಳಲಿದೆ. ಮಹಾರಾಷ್ಟ್ರ ಲಾನ್ ಟೆನಿಸ್ ಸಂಸ್ಥೆಯ (ಎಂಎಸ್‌ಎಲ್‌ಟಿಎ) ಮೂಲಗಳು ಇದನ್ನು ಸ್ಪಷ್ಟಪಡಿಸಿವೆ.

ಎಟಿಪಿ–250 ಸರಣಿಯಡಿ ಭಾರತದಲ್ಲಿ ನಡೆಯುವ ಏಕೈಕ ಟೂರ್ನಿಯಾಗಿರುವ ಚೆನ್ನೈ ಓಪನ್‌ಗೆ ಆತಿಥ್ಯ ನೀಡುವ ಅವಕಾಶ ಕೋರಿ ಕರ್ನಾಟಕ ಮತ್ತು ಗುಜರಾತ್‌ ರಾಜ್ಯಗಳ ಸಂಸ್ಥೆಗಳು ಕೂಡ ಬಿಡ್‌ ಸಲ್ಲಿಸಿದ್ದವು. ಆದರೆ ಮಹಾರಾಷ್ಟ್ರ ಸರ್ಕಾರವೇ ಟೂರ್ನಿ ಆಯೋಜನೆಗೆ ನೆರವು ನೀಡಲು ಮುಂದಾಗಿದ್ದರಿಂದ ಆ ರಾಜ್ಯದ ಸಂಸ್ಥೆ ಬಿಡ್‌ ಗೆದ್ದುಕೊಂಡಿತು.