ಪರೋಪಕಾರಿ ಕಾಡುಕೋಣ

ಹತ್ತಾರು ಹುಲಿಗಳು ಸೇರಿದವು
ಆನೆಮರಿಯೊಂದನು ಹಿಡಿದವು
ಕೆಳಗಡೆ ಅದನು ಕೆಡವಿದವು
ತಿನ್ನಲು ಜೊಲ್ಲು ಸುರಿಸಿದವು

ಕೆಳಗಡೆ ಬಿದ್ದ ಆನೆಮರಿ
ಬದುಕಲೆಂದು ಹೋರಾಡಿ
ಘೀಳಿಡುತ್ತಿತ್ತು ಜೋರಾಗಿ
ಒದ್ದಾಡುತ್ತಿತ್ತು ಹೊರಳಾಡಿ

ಬಂದಿತಲ್ಲೊಂದು ಕಾಡುಕೋಣ
ನೋಡಿತು ಅದರ ಗೋಳಾಟ
ಒದರಿ ಕರೆಯಿತು ತನಕೂಟ
ಓಡುತ ಬಂದವು ಕಾಡುಕೋಣ

ಹುಲಿಗಳ ಮೇಲೆ ಎರಗಿದವು
ಕೋಡುಗಳಿಂದ ತಿವಿದವು
ಕಾಡುಕೋಣಗಳ ಅರ್ಭಟಕೆ
ಹುಲಿಗಳೆಲ್ಲ ಹೆದರಿದವು

ಆನೆಮರಿಯನು ಬಿಟ್ಟವು
ಒಂದೊಂದಾಗಿ ಓಡಿದವು
ಆನೆಮರಿಯು ಓಡಿ ಹೋಗಿ
ಗಜಪಡೆಯನು ಸೇರಿತು