ಶೀಘ್ರವೇ ಈರುಳ್ಳಿ ಖರೀದಿ: ನಾಫೆಡ್‌

ನವದೆಹಲಿ: ರಾಷ್ಟ್ರೀಯ ಕೃಷಿ ಸಹಕಾರಿ ಮಾರುಕಟ್ಟೆ ಒಕ್ಕೂಟವು (ನಾಫೆಡ್‌) ಮಹಾರಾಷ್ಟ್ರದಲ್ಲಿ 25 ಸಾವಿರ ಟನ್‌ ಈರುಳ್ಳಿ ಖರೀದಿಸುವ ಪ್ರಕ್ರಿಯೆಗೆ ಮುಂದಿನ ವಾರ ಚಾಲನೆ ನೀಡಲಿದೆ.

ರೈತರಿಗೆ ಕನಿಷ್ಠ ಬೆಂಬಲ ಬೆಲೆ ಸಿಗುವಂತೆ ಮಾಡಲು ಹಾಗೂ ಬೆಲೆ ನಿಯಂತ್ರಣ ಉದ್ದೇಶದಿಂದ ಹಿಂಗಾರು ಬೆಳೆ ಖರೀದಿಸಲಾಗುವುದು ಎಂದು ವ್ಯವಸ್ಥಾಪಕ ನಿರ್ದೇಶಕ ಸಂಜೀವ್ ಕುಮಾರ್‌ ಛಡ್ಡಾ ತಿಳಿಸಿದ್ದಾರೆ.

‘ನಾಫೆಡ್‌ ಗೋದಾಮಿನಲ್ಲಿ 5 ಸಾವಿರ ಟನ್‌ವರೆಗೆ ಸಂಗ್ರಹಿಸಿ ಇಡಬಹುದು. ಉಳಿದ ಸರಕನ್ನು ಬಾಡಿಗೆ ಗೋದಾಮು ಮತ್ತು ಮಂಡಳಿಗಳಲ್ಲಿ ಸಂಗ್ರಹಿಸಿ ಇಡಲಾಗುವುದು ಎಂದು ತಿಳಿಸಿದ್ದಾರೆ.