ಸಗಟು ಹಣದುಬ್ಬರ ಯಥಾಸ್ಥಿತಿ

ನವದೆಹಲಿ (ಪಿಟಿಐ): ದೇಶದ ಸಗಟು ಹಣದುಬ್ಬರ ದರವು ಆಗಸ್ಟ್‌ನಲ್ಲಿ ಶೇ 1.08ರಷ್ಟಾಗಿದೆ. ಜುಲೈನಲ್ಲಿಯೂ ಇದೇ ಪ್ರಮಾಣದಲ್ಲಿತ್ತು ಎಂದು ಕೇಂದ್ರ ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವಾಲಯ ಮಾಹಿತಿ ನೀಡಿದೆ.

ಸಗಟು ದರ ಸೂಚ್ಯಂಕ (ಡಬ್ಲ್ಯುಪಿಐ) ಆಧರಿಸಿದ ಹಣ ದುಬ್ಬರ 2018ರ ಆಗಸ್ಟ್‌ನಲ್ಲಿ ಶೇ 4.62ರಷ್ಟಿತ್ತು.ತರಕಾರಿಗಳ ಹಣ
ದುಬ್ಬರ ಶೇ 10.67 ರಿಂದ ಶೇ 13.07ಕ್ಕೆ ಏರಿಕೆಯಾಗಿದೆ.

ಜಿಡಿಪಿ ಶೇ 5ಕ್ಕೆ ಕುಸಿದಿದೆ. ಕೈಗಾರಿಕೆ, ಮೂಲಸೌಕರ್ಯ ವಲಯದ ಪ್ರಗತಿಯೂ ಇಳಿಮುಖವಾಗಿದೆ. ಚಿಲ್ಲರೆ ಹಣದುಬ್ಬರ ಅಲ್ಪ ಏರಿಕೆ ಕಂಡಿದೆ. ಹೀಗಾಗಿ ಬಡ್ಡಿದರ ಕಡಿತದ ಅಗತ್ಯವಿದೆ ಎಂದು ಪರಿಣತರು ಹೇಳಿದ್ದಾರೆ.