ಬಾಗಲಕೋಟೆ | ಮಣ್ಣು ಕುಸಿತ: ಒಬ್ಬ ಸಾವು

ಬಾಗಲಕೋಟೆ: ತಾಲ್ಲೂಕಿನ ಮುಗಳೊಳ್ಳಿ ಎಲ್‌ಟಿ 2 ಗ್ರಾಮದ ಬಳಿ ಗುರುವಾರ ರೈಲ್ವೆ ಸೇತುವೆ ಕಾಮಗಾರಿ ವೇಳೆ ಮಣ್ಣು ಕುಸಿದು ಒಬ್ಬರು ಮೃತರಾಗಿದ್ದು, ಇಬ್ಬರಿಗೆ ಗಾಯಗಳಾಗಿವೆ.

ವಿಜಯಪುರ ಜಿಲ್ಲೆಯ ನಿಡಗುಂದಿಯ ರುದ್ರೇಶ ದುಂಡಿನಮನಿ (42) ಮೃತರು. ಹಣಮಂತ, ಭೀಮಶಿ ಮಾದರ ಗಾಯಗೊಂಡಿದ್ದಾರೆ. ಬಾಗಲಕೋಟೆ ಖಾಸಗಿ ಆಸ್ಪತ್ರೆಗೆ ಚಿಕಿತ್ಸೆಗಾಗಿ ದಾಖಲಿಸಲಾಗಿದೆ.

ಸೆಂಟ್ರಿಂಗ್‌ ಕೆಲಸ ಮಾಡುವಾಗ ಎತ್ತರದಲ್ಲಿ ಹಾಕಿದ್ದ ಮಣ್ಣು ಇವರ ಮೇಲೆ ಕುಸಿದಿದೆ. ಬಾಗಲಕೋಟೆ ಗ್ರಾಮೀಣ ಠಾಣೆ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ.