ರಬಕವಿ ಬನಹಟ್ಟಿ| ಉತ್ತಮ ಮಳೆ: ಬೆಳೆಗೆ ಕಳೆ

ರಬಕವಿ ಬನಹಟ್ಟಿ: ರಬಕವಿ ಬನಹಟ್ಟಿ ಹಾಗೂ ಸುತ್ತಲಿನ ಪ್ರದೇಶಗಳಲ್ಲಿ ಮೂರು ದಿನಗಳಿಂದ ಉತ್ತಮ ಮಳೆ ಸುರಿಯುತ್ತಿದ್ದು, ರೈತ ಸಮುದಾಯದಲ್ಲಿ ಹರ್ಷ ಉಂಟುಮಾಡಿದೆ.

ಮಂಗಳವಾರ, ಬುಧವಾರ ಸಂಜೆ ಬಿರುಸಿನ ಮಳೆಯಾದರೆ ಗುರುವಾರ ಸಂಜೆಯೂ ಉತ್ತಮ ಮಳೆಯಾಯಿತು. ಈ ಭಾಗದಲ್ಲಿ ಬಹಳ ದಿನಗಳಿಂದ ಮಳೆ ಇಲ್ಲದೆ ಜನರು ತೊಂದರೆ ಅನುಭವಿಸುವಂತಾಗಿತ್ತು.

ಮಳೆ ಇಲ್ಲದ ಕಾರಣಕ್ಕೆ ಕಬ್ಬು ಮತ್ತು ಅರಿಸಿನ ಬೆಳೆಗೆ ದೊಣ್ಣೆ ರೋಗ ಬಾಧಿಸಿತ್ತು. ಮೂರು ದಿನಗಳಿಂದ ಸುರಿದ ಹದವಾದ ಮಳೆಯು ಬೆಳೆಗೆ ಅನುಕೂಲಕರವಾಗಿದೆ ಎನ್ನುತ್ತಾರೆ ಸ್ಥಳೀಯ ರೈತ ಸಿದ್ದು ಗೌಡಪ್ಪನವರ.