ಪ್ರೇಕ್ಷಕರ ಮನಗೆದ್ದ ‘ಕಾನೂರು ಸುಬ್ಬಮ್ಮ’

ಬಾದಾಮಿ: ಕಾನೂರು ಸುಬ್ಬಮ್ಮ ಹೆಗ್ಗಡತಿ ಕಾದಂಬರಿಯ ಸುಬ್ಬಮ್ಮಳ ಪಾತ್ರದಲ್ಲಿ ರಂಗಭೂಮಿ ಕಲಾವಿದೆ ರಾಧಾರಾಣಿ ಪ್ರದರ್ಶಿಸಿದ ಏಕಪಾತ್ರಾಭಿನಯ ಮತ್ತು ಸಂಭಾಷಣೆ ಪ್ರೇಕ್ಷಕರ ಮನ ಗೆದ್ದಿತು.

ಇಲ್ಲಿನ ಶಿವಯೋಗಮಂದಿರ ಶಾಖಾ ಮಠದ ಆವರಣದಲ್ಲಿ ವಿಶ್ವಚೇತನ ಸಂಘದ ಆಶ್ರಯದಲ್ಲಿ ಶನಿವಾರ ರಾಷ್ಟ್ರಕವಿ ಕುವೆಂಪು ರಚಿತ ‘ ಕಾನೂರು ಸುಬ್ಬಮ್ಮ ಹೆಗ್ಗಡತಿ ’ ಕಾದಂಬರಿ ರೂಪವನ್ನು ನಾಟಕದಲ್ಲಿ ಶಿರಸಿ ನಾಟ್ಯರಂಗ ಪ್ರದರ್ಶನ ಕಲಾಕೇಂದ್ರ ಮತ್ತು ಭರತನಾಟ್ಯ, ನಿನಾಸಂ ಕಲಾವಿದೆ ಪ್ರದರ್ಶಿಸಿದರು.

ಉತ್ತರ ಕರ್ನಾಟಕದಲ್ಲಿ ಸಾಮಾಜಿಕ ಮತ್ತು ನಗೆ ನಾಟಕ ವೀಕ್ಷಿಸಿದ ಪ್ರೇಕ್ಷಕರು 50 ನಿಮಿಷದ ಕುವೆಂಪು ಅವರ ನಾಟಕವನ್ನು  ಗಂಭೀರತೆಯಿಂದ ಮಂತ್ರಮುಗ್ಧರಾಗಿ ವೀಕ್ಷಿಸಿದರು.