ಮಲ್ಲಾಪುರ: ಡೆಂಗಿ ಜಾಗೃತಿ ಜಾಥಾ

ಬಾಗಲಕೋಟೆ: ನಗರದ ಬಸವೇಶ್ವರ ವಾಣಿಜ್ಯ ಕಾಲೇಜು ವತಿಯಿಂದ ಮಲ್ಲಾಪುರದಲ್ಲಿ ಹಮ್ಮಿಕೊಂಡಿರುವ ಎನ್.ಎಸ್.ಎಸ್. ವಾರ್ಷಿಕ ವಿಶೇಷ ಶಿಬಿರದಲ್ಲಿ ಶಿಬಿರಾರ್ಥಿಗಳು ಇತ್ತಿಚೆಗೆ ಗ್ರಾಮಸ್ಥರಿಗೆ ಡೆಂಗಿ ಜಾಗೃತಿ ಮೂಡಿಸಿದರು.

ಆರೋಗ್ಯ ಇಲಾಖೆ ಸಹಯೋಗದೊಂದಿಗೆ ‘ಡೇಂಜರ್ ಡೇಂಜರ್, ಡೆಂಗಿ ಡೇಂಜರ್’, ‘ನಿಂತ ನೀರು ಸೊಳ್ಳೆಗಳ ತವರು’ ಸೇರಿದಂತೆ ವಿವಿಧ ಘೋಷಣೆಗಳನ್ನು ಕೂಗುತ್ತಾ ಗ್ರಾಮದೆಲ್ಲೆಡೆ ಸಂಚರಿಸಿದರು. ನಂತರ ಬೀದಿ ನಾಟಕ ಪ್ರದರ್ಶಿಸಲಾಯಿತು. ರಕ್ತದಾನ ಹಾಗೂ ಮತದಾನ ಬಗ್ಗೆಯೂ ಜಾಗೃತಿ ಮೂಡಿಸಲಾಯಿತು.

ಪ್ರಾಚಾರ್ಯ ಜಗನ್ನಾಥ್ ಚೌವ್ಹಾಣ, ಎನ್.ಎಸ್.ಎಸ್ ಅಧಿಕಾರಿ ಎಂ.ಎಂ. ಹುದ್ದಾರ, ಪ್ರಾಥಮಿಕ ಆರೋಗ್ಯ ಕೇಂದ್ರದ ಅಧಿಕಾರಿ ಕೆ.ಎಫ್. ಮಾಯಾಚಾರಿ, ಶಿಬಿರದ ಸಂಘಟಕರಾದ ರವಿ ಬಳಗೇರಿ, ಸಂಘಟಕಿ ಶ್ರುತಿ ಬಡಿಗೇರ ಇದ್ದರು.