₹ 5.11 ಲಕ್ಷಕ್ಕೆ ಎತ್ತು ಮಾರಾಟ

ಜಮಖಂಡಿ(ಬಾಗಲಕೋಟೆ ಜಿಲ್ಲೆ): ರಾಜ್ಯದ ವಿವಿಧ ಕಡೆಗಳಲ್ಲಿ ನಡೆದ ತೆರಬಂಡಿ ಸ್ಪರ್ಧೆಗಳಲ್ಲಿ ಭಾಗವಹಿಸಿ ಹಲವಾರು ಬಹುಮಾನಗಳನ್ನು ಗೆದ್ದಿದ್ದ ತಾಲ್ಲೂಕಿನ ಬುದ್ನಿ ಗ್ರಾಮದ ರೈತ ಮಹಾದೇವ ಕೊಲೂರ ಅವರು ಸಾಕಿದ ಎತ್ತು ₹5.11 ಲಕ್ಷಕ್ಕೆ ಭಾನುವಾರ ಮಾರಾಟವಾಗಿದೆ.

‘ಮಹಾರಾಷ್ಟ್ರದ ಪುಣೆಯ ದೇವಸ್ಥಾನದವರು ದೇವಸ್ಥಾನದ ರಥ ಎಳೆಯಲು ಈ ಎತ್ತನ್ನು ಖರೀದಿಸಿದ್ದಾರೆ’ ಎಂದು ರೈತ ತಿಳಿಸಿದ್ದಾರೆ. ಮಾರಾಟವಾದ ಎತ್ತನ್ನು ಗ್ರಾಮದ ಪ್ರಮುಖ ಬಿದಿಗಳಲ್ಲಿ ಸಕಲ ವಾದ್ಯ ಮೇಳಗಳೊಂದಿಗೆ ಮೆರವಣಿಗೆ ಮಾಡಿ, ಆರತಿ ಮಾಡಿ ಬೀಳ್ಕೊಡಲಾಯಿತು.