ಬಾಲ್ಯವಿವಾಹ: ಪ್ರಕರಣ ದಾಖಲು

ಸಿರುಗುಪ್ಪ: ತಾಲ್ಲೂಕಿನ ವಲಯ ವ್ಯಾಪ್ತಿಯ ಮೋಕಾ ಪೊಲೀಸ್ ವ್ಯಾಪ್ತಿಯಲ್ಲಿ ಬಾಲ್ಯವಿವಾಹಕ್ಕೆ ಸಂಬಂಧಿಸಿದಂತೆ ಪ್ರಕರಣ ದಾಖಲಾಗಿದೆ.

ಬಳ್ಳಾರಿ ಗ್ರಾಮಾಂತರದ ಶಿಶು ಅಭಿವೃದ್ಧಿ ಯೋಜನಾಧಿಕಾರಿ, ಬಾಲ್ಯ ವಿವಾಹ ನಿಷೇಧ ಅಧಿಕಾರಿ, ವಲಯ ಮೇಲ್ವಿಚಾರಕ ಎಸ್ ಆರ್ ನಾಗುಬಾಬು ಸಲ್ಲಿಸಿದ ದೂರಿನ ಅನ್ವಯ ಮಕ್ಕಳ ಸಹಾಯವಾಣಿ-1098 ಮೂಲಕ ಕಕ್ಕಬೇವಿನ ಹಳ್ಳಿ, ಗ್ರಾಮದ ಅಪ್ರಾಪ್ತ ಬಾಲಕಿಯ ವಿವಾಹ ನಡೆದಿದೆ ಎಂದು ದೂರು ಸಲ್ಲಿಸಲಾಗಿತ್ತು. ಬಾಲ್ಯ ವಿವಾಹಕ್ಕೆ ಸಂಬಂಧಿಸಿದಂತೆ ವಿಚಾರಣೆ ನಡೆಸಿ ಬಾಲಕಿ ಹಾಗೂ ಯುವಕನ ತಂದೆ ತಾಯಿ ವಿರುದ್ಧ ಪ್ರಕರಣ ದಾಖಲಾಗಿದೆ.