ಬಳ್ಳಾರಿ | ₹2.16 ಲಕ್ಷ ಮೌಲ್ಯದ ಪಡಿತರ ಅಕ್ಕಿ ವಶ

ಬಳ್ಳಾರಿ: ನಗರದ ಹೊರ ವಲಯದ ಬಿ. ಗೋನಾಳ್‌ಗೆ ಹೋಗುವ ರಸ್ತೆಯ ಮದರಸಾ ಹಿಂಬಾಗದಲ್ಲಿ ಅಕ್ರಮವಾಗಿ ಸಂಗ್ರಹಿಸಿಡಲಾಗಿದ್ದ 94.05 ಕ್ವಿಂಟಲ್‌ ಅಕ್ಕಿಯನ್ನು ಎಪಿಎಂಸಿ ಠಾಣೆ ಪೊಲೀಸರು ವಶಪಡಿಸಿಕೊಂಡಿದ್ದಾರೆ. 

ಈ ಅಕ್ಕಿಯ ಮೌಲ್ಯ ₹2,16,315 ಎಂದು ಅಂದಾಜಿಸಲಾಗಿದೆ. 

ಆಹಾರ ನಾಗರಿಕ ಸರಬರಾಜು ಮತ್ತು ಗ್ರಾಹಕ ವ್ಯವಹಾರಗಳ ಇಲಾಖೆಯ ಜಿಲ್ಲಾ ಉಪ ನಿರ್ದೇಶಕರು ನೀಡಿದ ಆದೇಶದಂತೆ ಪ್ರಭಾರ ಆಹಾರ ನಿರೀಕ್ಷಕ ವೆಂಕಟೇಶ ನೀಡಿದ ದೂರು ಆಧರಿಸಿ ದಾಳಿ ನಡೆಸಿರುವುದಾಗಿ  ಎಫ್‌ಐಆರ್‌ನಲ್ಲಿ ಉಲ್ಲೇಖಿಸಲಾಗಿದೆ.