ಕೃಷಿಹೊಂಡದಲ್ಲಿ‌ ಮುಳುಗಿ ಮೂವರು‌‌ ಬಾಲಕರ ಸಾವು

ಬಳ್ಳಾರಿ: ತಾಲೂಕಿನ ಕೊರ್ಲಗುಂದಿ ಗ್ರಾಮದಲ್ಲಿ ಭಾನುವಾರ ಸಂಜೆ ಕೃಷಿ ಹೊಂಡದಲ್ಲಿ ಮುಳುಗಿ ಮೂವರು ಬಾಲಕರು ಮೃತಪಟ್ಟರು.

ಹರ್ಷ (13 ವರ್ಷ), ಭರತ್ (11 ವರ್ಷ) ಹಾಗೂ ಎರ್ರಿಸ್ವಾಮಿ (13 ವರ್ಷ) ಮೃತರು.

ಹರ್ಷ ಹಾಗೂ ಭರತ್ ಒಂದೇ ಕುಟುಂಬದವರು. ಕೃಷಿ ಹೊಂಡದಲ್ಲಿ ಈಜಲು ಹೋಗಿದ್ದಾಗ ದುರ್ಘಟನೆ ನಡೆಯಿತು.
ಭಾನುವಾರ ಮಧ್ಯರಾತ್ರಿ ಮೋಕಾ ಠಾಣೆಯಲ್ಲಿ ಪ್ರಕರಣ ದಾಖಲಾಯಿತು.

ಸಚಿವರ ಭೇಟಿ: ನಗರದ ವಿಮ್ಸ್ ಆಸ್ಪತ್ರೆಗೆ ಸೋಮವಾರ ಭೇಟಿ ನೀಡಿದ ಉಸ್ತುವಾರಿ ಸಚಿವ ಡಿ.ಕೆ.ಶಿವಕುಮಾರ್ ಬಾಲಕರ ಪೋಷಕರಿಗೆ ಸಾಂತ್ವನ‌ ಹೇಳಿದರು.