ಖಾನಾಪುರ | ಅಪಘಾತ: ವ್ಯಕ್ತಿ ಸಾವು

ಖಾನಾಪುರ: ಪಟ್ಟಣದ ಹೊರವಲಯದ ಪಾರಿಶ್ವಾಡ ರಸ್ತೆಯ ಕುಪ್ಪಟಗಿರಿ ಕ್ರಾಸ್ ಬಳಿ ಸೋಮವಾರ ಎರಡು ದ್ವಿಚಕ್ರ ವಾಹನಗಳ ನಡುವೆ ಸಂಭವಿಸಿದ ಮುಖಾಮುಖಿ ಡಿಕ್ಕಿಯಲ್ಲಿ ವಾಹನ ಸವಾರರೊಬ್ಬರು ಗಂಭೀರವಾಗಿ ಗಾಯಗೊಂಡು, ಮತ್ತೋರ್ವ ವಾಹನ ಸವಾರ ಮೃತಪಟ್ಟಿದ್ದಾರೆ.

ತಾಲ್ಲೂಕಿನ ದೇವಲತ್ತಿ ಗ್ರಾಮದ ನಿವಾಸಿ ಸಂಜಯ ಯಳ್ಳೂರ (17) ಮೃತರು. ಗಾಯಗೊಂಡವರನ್ನು ತಾಲ್ಲೂಕಿನ ನಾಗುರ್ಡಾ ಗ್ರಾಮದ ವಿಠ್ಠಲ ಮಹಾಜನ (30) ಎಂದು ಗುರುತಿಸಲಾಗಿದೆ. ಖಾನಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.