ಸೋಫಾ ತಂದು ಕೊಡಲಿಲ್ಲವೆಂದು ನವ ವಿವಾಹಿತೆ ಆತ್ಮಹತ್ಯೆ

ಬೆಳಗಾವಿ: ತಾಲ್ಲೂಕಿನ ಸುಳಗಾ ಗ್ರಾಮದಲ್ಲಿ ನವ ವಿವಾಹಿತೆಯೊಬ್ಬರು ನೇಣು ಹಾಕಿಕೊಂಡು ಬುಧವಾರ ಆತ್ಮಹತ್ಯೆ ಮಾಡಿಕೊಂಡರು.

ಜ್ಯೋತಿ ಚೋಪಡೆ (19) ಮೃತರು. ‘ಅವರ ವಿವಾಹ ಉಚಗಾಂವ ಮೂಲದ ನಿಖಿಲ ಚೋಪಡೆ ಜೊತೆ ಮೂರು ತಿಂಗಳ ಹಿಂದೆಯಷ್ಟೆ ನಡೆದಿತ್ತು. ತಂದೆ ಹೊಸ ಸೋಫಾ ತಂದುಕೊಡಲಿಲ್ಲ ಎಂಬ ಬೇಸರದಿಂದ ಕೊಠಡಿಯ ಬಾಗಿಲಿನ ಚಿಲಕ ಹಾಕಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂದು ದೂರು ದಾಖಲಾಗಿದೆ’ ಎಂದು ಪೊಲೀಸರು ಮಾಹಿತಿ ನೀಡಿದರು.