ಭಾಗ್ಯನಗರದಲ್ಲಿ ಮುಳ್ಳು ಹಂದಿ ಸೆರೆ

ಬೆಳಗಾವಿ: ಇಲ್ಲಿನ ಭಾಗ್ಯ ನಗರದ 6 ಮತ್ತು 7ನೇ ಕ್ರಾಸ್ ಪ್ರದೇಶದಲ್ಲಿ ಕಾಣಿಸಿಕೊಂಡು, ಸ್ಥಳೀಯರ ಆತಂಕಕ್ಕೆ ಕಾರಣವಾಗಿದ್ದ ಮುಳ್ಳುಹಂದಿಯನ್ನು ಅರಣ್ಯ ಇಲಾಖೆಯವರು ಮಂಗಳವಾರ ಸೆರೆಹಿಡಿದು, ಅದನ್ನು ಖಾನಾಪುರ ಕಾಡಿನಲ್ಲಿ ಬಿಟ್ಟರು.

ಮುಳ್ಳುಹಂದಿಯು ಈ ಭಾಗದಲ್ಲಿ ಇರುವ ಬಗ್ಗೆ ಸಾರ್ವಜನಿಕರು ಮಾಹಿತಿ ನೀಡಿದ್ದರು. ಇದನ್ನು ಆಧರಿಸಿ ಅರಣ್ಯ ಇಲಾಖೆ ಅಧಿಕಾರಿಗಳು ಬಲೆ ಇಟ್ಟಿದ್ದರು ಹಾಗೂ ಹಿಡಿಯುವಲ್ಲಿ ಯಶಸ್ವಿಯಾಗಿದ್ದರು.

ಸಹಾಯಕ ಅರಣ್ಯ ಸಂರಕ್ಷಣಾಧಿಕಾರಿ ಎಂ.ಬಿ. ಕುಸನಾಳ, ಆರ್‌ಎಫ್‌ಒ ಆರ್.ಎಚ್. ಡೊಂಬರಗಿ, ಶಿವಾನಂದ ಮಗದುಮ, ಡಿಆರ್‌ಎಫ್‌ಒ ವಿನಯ ಗೌಡರ, ಮಹಮ್ಮದ್ ಹಾಗೂ ಸಿಬ್ಬಂದಿ ಕಾರ್ಯಾಚರಣೆ ನಡೆಸಿದರು.