ಕೆಂಪವಾಡ ಗ್ರಾ.ಪಂ: ಸ್ವಾತಿ ಅಧ್ಯಕ್ಷೆ

ಕಾಗವಾಡ: ತಾಲ್ಲೂಕಿನ ಕೆಂಪವಾಡ ಗ್ರಾಮ ಪಂಚಾಯಿತಿ ನೂತನ ಅಧ್ಯಕ್ಷರಾಗಿ ಸ್ವಾತಿ ಸುಧಾಕರ ಕಾಂಬಳೆ ಅವಿರೋಧವಾಗಿ ಆಯ್ಕೆಯಾಗಿದರು.

ತೆರವಾಗಿದ್ದ ಅಧ್ಯಕ್ಷ ಸ್ಥಾನಕ್ಕೆ ಶುಕ್ರವಾರ ಚುನಾವಣೆ ನಿಗದಿಯಾಗಿತ್ತು. ಸ್ವಾತಿ ಒಬ್ಬರೇ ನಾಮಪತ್ರ ಸಲ್ಲಿಸಿದ್ದರಿಂದ ಅವಿರೋಧ ಆಯ್ಕೆ ನಡೆಯಿತು. ಕೆಲ ದಿನಗಳ ಹಿಂದೆ ಹಿಂದಿನ ಅಧ್ಯಕ್ಷರ ವಿರುದ್ಧ ಸದಸ್ಯರು ಅವಿಶ್ವಾಸ ನಿರ್ಣಯ ಮಂಡಿಸಿದ್ದರಿಂದ ಈ ಸ್ಥಾನ ತೆರವಾಗಿತ್ತು.

19 ಸದಸ್ಯರ ಪೈಕಿ 17 ಮಂದಿ ಚುನಾವಣಾ ಪ್ರಕ್ರಿಯೆಯಲ್ಲಿ ಪಾಲ್ಗೊಂ
ಡರು. ಪ್ರವೀಣ ಹುಣಸಿಕಟ್ಟಿ ಚುನಾವಣಾ ಅಧಿಕಾರಿ ಕರ್ತವ್ಯ ನಿರ್ವಹಿಸಿದರು.

ಗ್ರಾಮ ಪಂಚಾಯಿತಿ ಉಪಾಧ್ಯಕ್ಷ ಕುಬೇರ ಘಾಳಿ, ಸದಸ್ಯರಾದ ಸಾವಂತ ಖಾಂಡೇಕರ, ಕುಮಾರ ಮಾಳಿ, ಸಂಜಯ ಸಾವಂತ, ಮಾಹಾದೇವ ಮಾಳಿ, ನೀಲೇಶ ವಾಲಿ, ದೇವಪ್ಪ ಮಾನಗಾಂವೆ, ಮುಖಂಡರಾದ ರಮೇಶ ತೇಲಿ, ಮಲ್ಲಪ ಚುಂಗ, ಶಂಕರ ಶೇಮಡೆ, ಗಜಾನನ ಹೇರವಾಡೆ, ಬಸಗೊಂಡ ಪಾಟೀಲ ಇದ್ದರು.