ಮನೆಯಲ್ಲಿ ಕಳವು: ಇಬ್ಬರ ಬಂಧನ

ಬೆಳಗಾವಿ: ತಾಲ್ಲೂಕಿನ ಮುತಗಾ ಗ್ರಾಮದ ಶ್ರೀರಾಮ ಕಾಲೊನಿಯ ದೀಪಕ ಹಡಪದ ಎನ್ನುವವರ ಮನೆಯಲ್ಲಿ ನಡೆದಿದ್ದ ಕಳವು ಪ್ರಕರಣಕ್ಕೆ ಸಂಬಂಧಿಸಿದಂತೆ ತನಿಖೆ ನಡೆಸಿದ ಮಾರಿಹಾಳ ಠಾಣೆ ಪೊಲೀಸರು ಇಬ್ಬರು ಆರೋಪಿಗಳನ್ನು ಗುರುವಾರ ಬಂಧಿಸಿದ್ದಾರೆ.

ಇಲ್ಲಿನ ಅನಗೋಳದ ಜಟಪಟ ಕಾಲೊನಿಯ ವೈಭವ ಮಹಾದೇವ ಸಳಕೆ (21) ಹಾಗೂ ರಿಯಾನ ಶೇಖ (21) ಬಂಧಿತರು. ಅವರಿಂದ ಚಿನ್ನಾಭರಣಗಳು, ಆರು ದ್ವಿಚಕ್ರವಾಹನ, ಲ್ಯಾಪ್‌ಟಾಪ್, ಟಿವಿ, ಮೊಬೈಲ್ ಫೋನ್‌, ಸಿಲಿಂಡರ್ ಸೇರಿ ಒಟ್ಟು ₹ 3.71 ಲಕ್ಷ ಮೌಲ್ಯದ ವಸ್ತುಗಳನ್ನು ವಶಪಡಿಸಿಕೊಂಡು ಕಾನೂನು ಕ್ರಮ ಜರುಗಿಸಲಾಗಿದೆ’ ಎಂದು ಪೊಲೀಸರು ತಿಳಿಸಿದ್ದಾರೆ.