ಟೈರ್ ಸ್ಫೋಟ: ಅಜ್ಜ– ಮೊಮ್ಮಗ ಸಾವು

ಬೆಂಗಳೂರು: ದಾಬಸ್‌ಪೇಟೆ ಬಳಿಯ ಮೇಲ್ಸೇತುವೆಯಲ್ಲಿ ಭಾನುವಾರ ಟಾಟಾ ಸುಮೊ ವಾಹನದ ಟೈರ್ ಸ್ಫೋಟ
ಗೊಂಡು ಅಪಘಾತ ಸಂಭವಿಸಿದ್ದು, ಮೊಹಮ್ಮದ್ ಸಾಬ್ (65) ಹಾಗೂ ಅವರ ಮೊಮ್ಮಗ ಯೂಸೂಫ್ (7) ಮೃತಪಟ್ಟಿದ್ದಾರೆ.

ಟಾಟಾ ಸುಮೊದಲ್ಲಿದ್ದ 13 ಮಂದಿ ತೀವ್ರ ಗಾಯಗೊಂಡಿದ್ದಾರೆ. ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.

‘ಮೊಹಮ್ಮದ್ ಸಾಬ್ ಅವರು ಕುಟುಂಬಸ್ಥರು ಹಾಗೂ ಪರಿಚಯಸ್ಥರ ಜೊತೆ ಕಾರ್ಯಕ್ರಮ ನಿಮಿತ್ತ ಬೆಂಗಳೂರಿನಿಂದ ಕೊಪ್ಪಳಕ್ಕೆ ತೆರಳುತ್ತಿದ್ದರು. ನೆಲಮಂಗಲ ಸಂಚಾರ ಠಾಣೆ ವ್ಯಾಪ್ತಿಗೆ ಬರುವ ದಾಬಸ್‌ಪೇಟೆಯ ಮೇಲ್ಸೇತುವೆ ಬಳಿ ವಾಹನದ ಟೈರ್‌ ಏಕಾಏಕಿ ಸ್ಫೋಟಗೊಂಡು, ವಾಹನ ಉರುಳಿಬಿತ್ತು’ ಎಂದು ಪೊಲೀಸ್‌ ಮೂಲಗಳು ತಿಳಿಸಿವೆ.