ವಿಶ್ವ ದಾಖಲೆ ಬರೆದ ಅನೂಹ್ಯ ಶಿಬಿರ

ಬೆಂಗಳೂರು: ಜೀವನ ಕೌಶಲ ತರಬೇತುಗಾರರಾಗಿರುವ ಮಕ್ಕಳ ಸಮಾಲೋಚಕಿ ಡಾ.ರೂಪಾ ರಾವ್ ನಡೆಸುವ 10 ದಿನಗಳ ಅನೂಹ್ಯ ಬೇಸಿಗೆ ಶಿಬಿರವು ಬ್ರಿಟನ್‍ನ ವರ್ಲ್ಡ್‌ ಬುಕ್ ಆಫ್ರೆಕಾರ್ಡ್ಸ್‌ನ ಪುಟ ಸೇರಿದೆ.

‘10 ದಿನಗಳ ಶಿಬಿರದಲ್ಲಿ 32ಕ್ಕೂ ಹೆಚ್ಚು ಚಟುವಟಿಕೆಗಳನ್ನು ನಡೆಸಲಾಗುತ್ತಿದೆ.ಮಕ್ಕಳಿಗೆ ಬಾಲ್ಯದಲ್ಲೇ10 ಜೀವನ ಕೌಶಲಗಳ ತರಬೇತಿ ನೀಡಲಾಗುತ್ತಿದ್ದು,ವಿಶ್ವಸಂಸ್ಥೆಯ ಮಕ್ಕಳ ನಿಧಿ (ಯುನಿಸೆಫ್) ಹಾಗೂ ವಿಶ್ವ ಆರೋಗ್ಯ ಸಂಸ್ಥೆಯ (ಡಬ್ಲ್ಯುಎಚ್‍ಒ) ನೀತಿಗಳಿಗೆ ಅನುಗುಣವಾಗಿ ಶಿಬಿರ ನಡೆಸುತ್ತಿದೆ.ಶಿಬಿರದ ಅನನ್ಯತೆ ಗುರು ತಿಸಿ ವಿಶ್ವದಾಖಲೆ ಗೌರವ ಸಲ್ಲಿಸಲಾಗಿದೆ’ ಎಂದುಬ್ರಿಟನ್‍ನ ವರ್ಲ್ಡ್‌ ಬುಕ್ ಆಫ್ ರೆಕಾರ್ಡ್ಸ್‌ನ ಅಧ್ಯಕ್ಷ ಎಸ್.ಶುಕ್ಲಾ ತಿಳಿಸಿದ್ದಾರೆ.