ಗೌರಿಬಿದನೂರು: ಉಪ್ಪಾರ ಕಾಲೋನಿಯಲ್ಲಿ ದೀಪೋತ್ಸವ

ಗೌರಿಬಿದನೂರು: ನಗರದ ಉಪ್ಪಾರ ಕಾಲೋನಿಯಲ್ಲಿ ಮಂಗಳವಾರ ಮಾರಮ್ಮ ಮತ್ತು ಸಪ್ಪಲಮ್ಮ ದೇವಿ ದೀಪೋತ್ಸವ ನಡೆಯಿತು.

ನೂರಾರು ಮಹಿಳೆಯರು ದೀಪಗಳೊಂದಿಗೆ ಗ್ರಾಮದ ಪ್ರಮುಖ ಬೀದಿಗಳಲ್ಲಿ ಮೆರವಣಿಗೆ ಮಾಡಿದರು. ಮುದುಗೆರೆ ಗ್ರಾಮದ ಗ್ರಾಮದೇವತೆ ಸಪ್ಪಲಮ್ಮ ದೇವತೆಯನ್ನು ಭಕ್ತಿಯಿಂದ ಬರಮಾಡಿಕೊಂಡರು. ಮುಂಜಾನೆಯಿಂದಲೇ ಹೂವಿನ ಅಲಂಕಾರ ಮಾಡಿ ವಿಶೇಷ ಪೂಜೆ ಸಲ್ಲಿಸಲಾಯಿತು.

ಮುಖಂಡ ಸಿದ್ದಪ್ಪ, ನಾರಾಯಣಪ್ಪ, ಮುರಾರಪ್ಪ, ಪ್ರವೀಣ, ಶಶಾಂಕ್, ವಕೀಲ ಮಂಜುನಾಥ್ ಸೇರಿದಂತೆ ಗ್ರಾಮಸ್ಥರು ಹಾಜರಿದ್ದರು.