ದೇಶ ವಿರೋಧಿ ಚಟುವಟಿಕೆ ತಡೆಗಟ್ಟಲು ಸಲಹೆ

ಚಿಕ್ಕಮಗಳೂರು: ಅಹಿಂಸೆ ಮತ್ತು ದೇಶ ವಿರೋಧಿ ಚಟುವಟಿಕೆಗಳನ್ನು ವಿರೋ­ಧಿ­ಸಬೇಕು ಎಂದು ಉಜಿರೆಯ ಮಲ್‌­ಜಲ್ ಸಂಸ್ಥೆಯ ಅಧ್ಯಕ್ಷ ಅಲ್ ಹಾದೀ ತಂಙಳ್ ತಿಳಿಸಿದರು.

ಶಾಂತಿ ನಗರದ ಕಲ್ಲುದೊಡ್ಡಿಯಲ್ಲಿ  ರಾಜ್ಯ ಸುನ್ನಿ ಸ್ಟೂಡೆಂಟ್ ಫೆಡರೇಷನ್ ಹಮ್ಮಿಕೊಂಡಿದ್ದ ಕಾರ್ಯಕರ್ತರ ತರಬೇತಿ ಶಿಬಿರದಲ್ಲಿ ಬಡ ವಿದ್ಯಾರ್ಥಿ­ಗಳಿಗೆ ಉಚಿತ ನೋಟ್‌ಬುಕ್ ವಿತರಿಸಿ ಮಾತನಾಡಿದರು.

ಸೇವೆಯನ್ನು ಮುಖ್ಯ ಗುರಿಯಾಗಿಸಿ­ಕೊಂಡಾಗ ಮಾತ್ರ ಸಂಘಟನೆಯಲ್ಲಿ ಸಾರ್ಥಕತೆ ಕಾಣಬಹುದಾಗಿದೆ. ಅನೇಕ ವಿದ್ಯಾರ್ಥಿಗಳು ಪ್ರತಿಭಾನ್ವಿತ­ರಾಗಿ­ದ್ದರೂ ಆರ್ಥಿಕವಾಗಿ ಹಿಂದುಳಿ­ದಿದ್ದ­ರಿಂದ ಶಿಕ್ಷಣದಿಂದ ವಂಚಿತ­ರಾಗು­ತ್ತಿದ್ದಾರೆ. ಅಂತಹವರನ್ನು ಗುರುತಿಸಿ ನೆರವು ನೀಡಬೇಕಾಗಿದೆ ಎಂದು ಅವರು ಹೇಳಿ­ದರು.

ಜಿಲ್ಲಾ ನಿರ್ದೇಶಕ ಎಪಿಎಸ್ ಅಟ್ಟಕ್ಕೋಯ ತಂಙಳ್, ಶಾಖಾ ಅಧ್ಯಕ್ಷ ಹನೀಫ್ ಮಿಸ್ಟಾಹಿ ಅಧ್ಯಕ್ಷತೆ ವಹಿಸಿ­ದ್ದರು.
ಮಸೀದಿ ಖತೀಬರಾದ ಹಾರಿಸ್ ಸಖಾಫಿ, ತ್ವಾಹಾ ಸಅದಿ, ಅಬ್ದುಲ್ ರಜಾಕ್ ಮದನಿ, ಯಹ್ಯಾ ಸಖಾಫಿ, ಅಬ್ಬಾಸ್ ಲತೀಫಿ, ಎಸ್‌ವೈಎಫ್ ಅಧ್ಯಕ್ಷ ಎ.ಯೂಸಫ್ ಹಾಜಿ, ಕೆ.ಬಿ.ಅಬೂಬಕರ್, ಅಬ್ದುಲ್ಲಾ ಹಾಜಿ, ಅಬ್ಬಾಸ್, ಮುನೀರ್ ಅಹಮದ್ ರಫೀಕ್ ಸಖಾಫಿ ಹಾಜರಿದ್ದರು.