ಕಡೂರು: ಜಿಲೆಟಿನ್ ವಶ

ಕಡೂರು: ಅನುಮತಿಯಿಲ್ಲದೆ ಸಂಗ್ರಹಿಸಿಟ್ಟಿದ್ದ ಜಿಲೆಟಿನ್ ಮತ್ತು ಸ್ಫೋಟಕ್ಕೆ ಬಳಸುವ ಬತ್ತಿಯನ್ನು ಕಡೂರು ಪೊಲೀಸರು ವಶಕ್ಕೆ ಪಡೆದು, ಪ್ರಕರಣ ದಾಖಲಿಸಿದ್ದಾರೆ.

ಖಚಿತ ಮಾಹಿತಿ ಮೇರೆಗೆ ಪಟ್ಟಣದ ಕಲ್ಗುಂಡಿ ನಿವಾಸಿ ನಾಗರಾಜ್ ಎಂಬುವರ ಮನೆಯನ್ನು ಶೋಧಿಸಿದಾಗ ₹6,774 ಮೌಲ್ಯದ 389 ಜಿಲೆಟಿನ್ ಕಡ್ಡಿಗಳು ಮತ್ತು 250 ಅಡಿ ಸ್ಫೋಟಕದಲ್ಲಿ ಬಳಸುವ ಬತ್ತಿ ಪತ್ತೆಯಾಗಿದ್ದು, ವಶಕ್ಕೆ ಪಡೆದು ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ ಎಂದು ಪಿಎಸ್‌ಐ ಪವನ್ ಕುಮಾರ್ ತಿಳಿಸಿದರು.