ನರಸಿಂಹರಾಜಪುರ: ಗುಡುಗು ಸಹಿತ ಹದವಾದ ಮಳೆ

ನರಸಿಂಹರಾಜಪುರ: ಪಟ್ಟಣ ಸೇರಿದಂತೆ ಸುತ್ತಮುತ್ತಲಿನ ಗ್ರಾಮಗಳಲ್ಲಿ ಶನಿವಾರ ಸಂಜೆ ಗುಡುಗು ಸಹಿತ ಸಾಧಾರಣದಿಂದ ಮಳೆ ಸುರಿಯಿತು.

ಶನಿವಾರ ಸಂಜೆ 6ರ ನಂತರ ಮೋಡಕವಿದ ವಾತಾವರಣ ಉಂಟಾಯಿತು. ಸಂಜೆ 7ರ ಬಳಿಕ ಗುಡುಗು ಸಹಿತ ಮಳೆ ಪ್ರಾರಂಭವಾಯಿತು. ಕಳೆದೆರೆಡು ದಿನಗಳಿಂದ ಮೋಡಕವಿದ ವಾತಾವರಣವುಂಟಾಗಿದ್ದು, ಮಳೆ ಬಂದಿರಲಿಲ್ಲ.

ಹದವಾದ ಮಳೆ ಸುರಿದಿದ್ದರಿಂದ ಬಿಸಿಲಿನ ಬೇಗೆಯಿಂದ ಬಸವಳಿದಿದ್ದ ಜನರಿಗೆ ತಂಪೆರೆಯಿತು. ಗುಡುಗು ಹಾಗೂ ತುಂತುರು ಮಳೆ ರಾತ್ರಿ 8ರ ನಂತರವೂ ಮುಂದುವರೆದಿತ್ತು.