₹2,000 ಮುಖಬೆಲೆಯ ನೋಟು ಬದಲಾವಣೆಗೆ ನೀರಸ ಪ್ರತಿಕ್ರಿಯೆ

ಧಾರವಾಡ: ನಗರದ ಎಸ್‌ಬಿಐ ಸೇರಿದಂತೆ ವಿವಿಧ ರಾಷ್ಟ್ರೀಕೃತ ಬ್ಯಾಂಕ್‌ಗಳು ಹಾಗೂ ಇತರ ಖಾಸಗಿ ಬ್ಯಾಂಕ್‌ಗಳಲ್ಲಿ ₹2,000 ಮುಖಬೆಲೆಯ ನೋಟು ಬದಲಾವಣೆ ಮಾಡಿಸುವುದಕ್ಕೆ ಮಂಗಳವಾರ ನೀರಸ ಪ್ರತಿಕ್ರಿಯೆ ವ್ಯಕ್ತವಾಯಿತು.

ಬ್ಯಾಂಕ್‌ಗಳು ಎಂದಿನಂತೆಯೇ ಮಂಗಳವಾರ ಕಾರ್ಯ ನಿರ್ವಹಿಸಿದವು. ನೋಟು ಬದಲಾವಣೆಗೆ ವಿಶೇಷ ಕೌಂಟರ್‌ಗಳೇನೂ ಕಂಡುಬರಲಿಲ್ಲ. ಜತೆಗೆ ನಾಗರಿಕರಿಂದಲೂ ಯಾವುದೇ ದಾವಂತ ವ್ಯಕ್ತವಾಗಲಿಲ್ಲ.