ಶಹಬಾದ್‌ | ಅಪಘಾತ: ಇಬ್ಬರಿಗೆ ತೀವ್ರ ಗಾಯ

ಶಹಬಾದ್‌: ಕಲಬುರಗಿ ನಗರದಿಂದ ಶಹಾಬಾದಿಗೆ ಬರುವಾಗ ವಾಡಿ ಕ್ರಾಸ್ ಬಳಿ ರಾಜ್ಯ ಹೆದ್ದಾರಿ 125 ಜೆಪಿ ಕಾರ್ಖಾನೆ ಪಕ್ಕದಲ್ಲಿ ಕಾರು ಚಾಲಕನ ನಿಯಂತ್ರಣ ತಪ್ಪಿ ಪಲ್ಟಿಯಾಗಿದ್ದು, ಕಾರಿನಲ್ಲಿದ್ದ ಶಖೀರ್ (20) ಚಾಲಕ ಅಜಬೂರ (22) ತೀವ್ರವಾಗಿ ಗಾಯಗೊಂಡಿದ್ದಾರೆ.

ಶನಿವಾರ ಸಂಜೆ ಅಪಘಾತ ಜರುಗಿದ್ದು, ಗಾಯಾಳುಗಳನ್ನು ಕಲಬುರಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಗಾಯಾಳುಗಳು ಇಬ್ಬರೂ ಕಲಬುರಗಿಯ ಮಿಜಗುರಿಯವರೆಂದು ತಿಳಿದುಬಂದಿದ್ದು, ಶಹಾಬಾದ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.