ಸೇಡಂ | ‘ಜಾತಿಗಣತಿಯಲ್ಲಿ ‘ಹೊಲೆಯ’ ಎಂದು ಬರೆಸಿ’

ಸೇಡಂ: ‘ಸರ್ಕಾರದಿಂದ ನಡೆಸಲಾಗುತ್ತಿರುವ ಪರಿಶಿಷ್ಟ ಜಾತಿಗಳ ಸಮಗ್ರ ಸಮೀಕ್ಷೆಯಲ್ಲಿ ಸಮಾಜ ಜನ ‘ಹೊಲೆಯ’ ಎಂಬ ಪದವನ್ನು ಮಾತ್ರ ಬರೆಸಬೇಕು’ ಎಂದು ಕಾಡಾ ಮಾಜಿ ಅಧ್ಯಕ್ಷ ಮಹಾಂತಪ್ಪ ಸಂಗಾವಿ ತಿಳಿಸಿದ್ದಾರೆ.

ಈ ಕುರಿತು ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ‘ನ್ಯಾಯಮೂರ್ತಿ ಎಚ್.ಎನ್ ಣಾಗಮೋಹನದಾಸ್ ಏಕ ಸದಸ್ಯ ವಿಚಾರಣ ಆಯೋಗದನ್ವಯ ಮೇ.5 ರಿಂದ ಮೇ. 23 ರವರೆಗೆ ಜಾತಿ ಸಮೀಕ್ಷೆ ನಡೆಯುತ್ತಿದೆ. ಸರ್ಕಾರದಿಂದ ಅಧಿಕಾರಿಗಳು ತಮ್ಮ ಮನೆ ಬಾಗಿಲಿಗೆ ಆಗಮಿಸಲಿದ್ದಾರೆ. ಯಾರೂ ಸಹ ಗೊಂದಲಕ್ಕೆ ಒಳಗಾಗಿ ನಿಖರ ಮತ್ತು ಸ್ಪಷ್ಟವಾದ ಮಾಹಿತಿಯನ್ನು ಸರ್ಕಾರಕ್ಕೆ ನೀಡಬೇಕು’ ಎಂದು ಮನವಿ ಮಾಡಿದ್ದಾರೆ.

ಸುದ್ದಿಗೋಷ್ಠಿಯಲ್ಲಿ ಮುಖಂಡರಾದ ಶಿವಕುಮಾರ ತೊಟ್ನಳ್ಳಿ, ಜೈಭೀಮ ಊಡಗಿ, ಪ್ರಶಾಂತ ಸೇಡಂಕರ್, ಸಿದ್ದು ಡೊಣ್ಣುರ, ಸಿದ್ದು ಊಡಗಿ, ಮಲ್ಲಿಕಾರ್ಜುನ ಇದ್ದರು.