ಚಿರತೆ ಪ್ರತ್ಯಕ್ಷ; ಜನರ ಆತಂಕ

ಶ್ರೀರಂಗಪಟ್ಟಣ: ತಾಲ್ಲೂಕಿನ ಆಲಗೂಡು ಗ್ರಾಮದ ಕಬ್ಬಿನ ಗದ್ದೆಯಲ್ಲಿ ಮಂಗಳವಾರ ಮುಂಜಾನೆ ಚಿರತೆ ಕಾಣಿಸಿಕೊಂಡಿದ್ದು ಗ್ರಾಮಸ್ಥರಲ್ಲಿ ಆತಂಕ ಮೂಡಿಸಿದೆ.

ಗ್ರಾಮದ ಕೆರೆ ಸಮೀಪದ ಸಿದ್ದಪ್ಪ ಎಂಬುವರ ಕಬ್ಬಿನ ಬೆಳೆ ಇರುವ ಜಮೀನಿನಲ್ಲಿ ಚಿರತೆ ಅಡಗಿದೆ ಎಂದು ಪ್ರತ್ಯಕ್ಷದರ್ಶಿಗಳು ತಿಳಿಸಿದ್ದಾರೆ.

ಚಿರತೆಯ ಸೆರೆಗೆ ಅರಣ್ಯ ಇಲಾಖೆ ಸಿಬ್ಬಂದಿ ಬೋನು ಇರಿಸಿದ್ದಾರೆ. ಹುಂಜನಕೆರೆ ಅರಣ್ಯದ ಕಡೆಯಿಂದ ಈ ಚಿರತೆ ಇತ್ತ ಬಂದಿರಬಹುದು ಎಂದು ಹೇಳಲಾಗಿದೆ.