ಕುರಿ ರಕ್ಷಿಸಲು ಹೋಗಿ ಜೀವತೆತ್ತ

ಕೆ.ಆರ್.ನಗರ: ಕುರಿ ರಕ್ಷಣೆ ಮಾಡಲು ಹೋದ ಕುರಿಗಾಯಿ, ಮಧುವನಹಳ್ಳಿ ಬಡಾವಣೆ ನಿವಾಸಿ ಕುಂಟಮರಿಗೌಡ (62) ಎಂಬುವರು ರೈಲಿಗೆ ಸಿಲುಕಿ ಮೃತಪಟ್ಟಿದ್ದಾರೆ. ಏಳು ಕುರಿಗಳು ಅಸುನೀಗಿವೆ.

ಇಲ್ಲಿನ ರೈಲು ನಿಲ್ದಾಣದಿಂದ ಸ್ವಲ್ಪ ದೂರದಲ್ಲಿರುವ ಹಾಸನ– ಮೈಸೂರು ರಾಜ್ಯ ಹೆದ್ದಾರಿ ಸೇತುವೆ ಬಳಿ ಭಾನುವಾರ ಸಂಜೆ ಮರಿಗೌಡ ಅವರು ಕುರಿಗಳನ್ನು ಮೇಯಿಸುತ್ತಿದ್ದರು. ಈ ವೇಳೆ ಕುರಿಗಳು ಹಳಿಗಳ ಬಳಿಗೆ ಹೋಗಿದ್ದನ್ನು ಗಮನಿಸಿದ ಮರಿಗೌಡ, ಅವುಗಳನ್ನು ಓಡಿಸಲು ಸೇತುವೆ ಮೇಲಿನಿಂದ ಕೆಳಗೆ ಇಳಿಯಲು ಮುಂದಾಗಿದ್ದಾರೆ. ಆಗ ಆಯತಪ್ಪಿ ಕೆಳಗೆ ಬಿದ್ದ ಮರಿಗೌಡ ಅವರ ಮೇಲೆ ರೈಲು ಹರಿದಿದೆ. ಹೀಗಾಗಿ, ಅವರು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ.