ರಾಯಚೂರು: 26 ವೆಂಟಿಲೇಟರ್‌ ಕಳಪೆ

ರಾಯಚೂರು: ಕರ್ನಾಟಕ ರಾಜ್ಯ ಔಷಧಿ ಸರಬರಾಜು ನಿಗಮ (ಕೆಆರ್‌ಎಂಎಸ್‌ಎಲ್‌) ರಾಯಚೂರು ವೈದ್ಯಕೀಯ ವಿಜ್ಞಾನಗಳ ಸಂಸ್ಥೆ (ರಿಮ್ಸ್‌)ಗೆ ಪೂರೈಸಿದ್ದ ಅಗ್ವಾಮೇಕ್‌ ಕಂಪನಿಯ 26 ವೆಂಟಿಲೇಟರ್‌ಗಳು ಕಳಪೆ ಗುಣಮಟ್ಟದ್ದಾಗಿವೆ.

ಅವುಗಳನ್ನು ಹಿಂತಿರುಗಿಸಲು ರಿಮ್ಸ್‌ ಆಡಳಿತ ಮಂಡಳಿ ನಿರ್ಧರಿಸಿದೆ. ವೆಂಟಿಲೇಟರ್‌ ಖರೀದಿ ಮೊತ್ತವನ್ನು ಈಗಾಗಲೇ ರಿಮ್ಸ್‌ ಪಾವತಿಸಿದೆ. ಯಂತ್ರಗಳ ವಾಪಸಾತಿಗೆ ಸಂಬಂಧಿಸಿ ರಿಮ್ಸ್‌ ನಿರ್ದೇಶಕರು ಜಿಲ್ಲಾಧಿಕಾರಿಗೆ ಪತ್ರವೊಂದನ್ನು ನೀಡಿದ್ದಾರೆ.

ಕೋವಿಡ್‌ನಿಂದ ಬಳಲುತ್ತಿರುವವರ ಜೀವ ಉಳಿಸಲು ವೆಂಟಿಲೇಟರ್‌ಗಳ ಅಗತ್ಯವಿದೆ. ಈ ಬಗ್ಗೆ ಪ್ರತಿಕ್ರಿಯೆಗಾಗಿ ಜಿಲ್ಲಾಧಿಕಾರಿ ಮತ್ತು ರಿಮ್ಸ್‌ ನಿರ್ದೇಶಕರಿಗೆ ಕರೆ ಮಾಡಿದರೂ ಸ್ಪಂದನೆ ಸಿಗಲಿಲ್ಲ.