10 ಮಂದಿ ಜೂಜುಕೋರರ ಬಂಧನ

ಚನ್ನಪಟ್ಟಣ: ತಾಲ್ಲೂಕಿನ ಕೋಡಂಬಹಳ್ಳಿ, ತೂಬಿನಕೆರೆ ಗ್ರಾಮಗಳಲ್ಲಿ ಜೂಜು ಅಡ್ಡೆಗಳ ಮೇಲೆ ದಾಳಿ ಮಾಡಿದ ಪೋಲೀಸರು ₹ 34,130 ನಗದು ವಶಪಡಿಸಿಕೊಂಡು 10 ಮಂದಿಯನ್ನು ಬಂಧಿಸಿದ್ದಾರೆ.

ಕೋಡಂಬಳ್ಳಿಯ ಮೂರ್ತಿ, ರಮೇಶ್, ಲೋಕೇಶ್, ಗೋಪಾಲ್, ಶ್ರೀನಿವಾಸ, ರಾಜು, ತೂಬಿನಕೆರೆಯ ಶಿವರಾಮು, ಪ್ರಭು, ರಾಜು, ರವಿ ಬಂಧಿತರು.

ಅಕ್ಕೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಬಂಧಿತರನ್ನು ಜಾಮೀನಿನ ಮೇಲೆ ಬಿಡುಗಡೆ ಮಾಡಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.