ನೋಂದಣಿಗೆ ಮುಗಿಬಿದ್ದ ರೈತರು

ತಿಪಟೂರು: ಎಪಿಎಂಸಿ ಆವರಣದಲ್ಲಿ ರಾಗಿ ಖರೀದಿಗೆ ನೋಂದಣಿ ಪ್ರಾರಂಭವಾಗಿದ್ದು ನೂರಾರು ಸಂಖ್ಯೆಯಲ್ಲಿ ಜಮಾಯಿ
ಸಿದ ರೈತರು ನೋಂದಣಿ ಮಾಡಲಾಗದೆಹಿಂದಿರುಗಿದರು.

2020-21ನೇ ಸಾಲಿನಲ್ಲಿ ಸರ್ಕಾರದ ಬೆಂಬಲ ಬೆಲೆ ಯೋಜನೆಯಡಿಯಲ್ಲಿ ರಾಗಿ ಖರೀದಿಸಲು ನೋಂದಣಿ ಕೇಂದ್ರವನ್ನು ತೆರೆಯಲಾಗಿದೆ. ಮೊದಲ ದಿನವೇ ಐನೂರಕ್ಕೂ ಹೆಚ್ಚು ರೈತರು ಆಗಮಿಸಿದ್ದು ನೋಂದಣಿ ಮಾಡಲು ಸಾಧ್ಯವಾಗದೇ
ಅನೇಕರು ಹಿಂದಿರುಗಿ ಹೋಗಿದ್ದಾರೆ. ನೋಂದಣಿ ಕೇಂದ್ರದಲ್ಲಿ ಕೇವಲ ಒಂದು ಕಂಪ್ಯೂಟರ್, ಇಬ್ಬರು ಸಿಬ್ಬಂದಿಗಳು ಮಾತ್ರ ಕಾರ್ಯನಿರ್ವಹಣೆ ಮಾಡುತ್ತಿದ್ದಾರೆ. ಪೊಲೀಸ್‌ ಬಂದೋಬಸ್ತ್‌ನಲ್ಲಿ ನೋಂದಣಿ ಮಾಡಲಾಯಿತು.

ಕ್ವಿಂಟಲ್ ರಾಗಿಗೆ ₹3,295 ನಿಗದಿಯಾಗಿದೆ. ಕರ್ನಾಟಕ ಆಹಾರ ಮತ್ತುನಾಗರಿಕ ಸರಬರಾಜು ನಿ. ತುಮಕೂರು ಇವರಿಂದ ಖರೀದಿಗೆ ನೋಂದಣಿಯನ್ನು ಪ್ರಾರಂಭಿಸಿದ್ದಾರೆ. ಸರ್ಕಾರದ ಯೋಜನೆಗಳು ಯಶಸ್ವಿಯಾಗಬೇಕಾದರೆ ಅಧಿಕಾರಿಗಳು ತ್ವರಿತವಾಗಿ ಕಾರ್ಯನಿರ್ವಹಿಸಬೇಕು. ಸಂಬಂಧಿಸಿದ ಅಧಿಕಾರಿಗಳು ಎಚ್ಚೆತ್ತು ಪರ್ಯಾಯ ವ್ಯವಸ್ಥೆ ಕೈಗೊಳ್ಳಬೇಕು ಎಂದು ರೈತರು
ಒತ್ತಾಯಿಸಿದರು.