ತಿಪಟೂರು‌: 6,000 ಲೀಟರ್ ನೀರು ಸಾಮರ್ಥ್ಯದ ಜಲವಾಹನ ಹಸ್ತಾಂತರ

ತಿಪಟೂರು‌: 6,000 ಲೀಟರ್ ನೀರು ಸಾಮರ್ಥ್ಯದ ಆಧುನಿಕ ತಂತ್ರಜ್ಞಾನವುಳ್ಳ ಜಲವಾಹನವನ್ನು ನಗರದ ಅಗ್ನಿಶಾಮಕ ದಳಕ್ಕೆ ಶನಿವಾರ ನೀಡಲಾಯಿತು.

ಆರು ತಿಂಗಳಿನಿಂದ ತಾಲ್ಲೂಕಿನಲ್ಲಿ ದೊಡ್ಡ ಸಾಮರ್ಥ್ಯದ ಜಲ ವಾಹನವಿಲ್ಲದ ಬಗ್ಗೆ ‘ಪ್ರಜಾವಾಣಿ’ಯಲ್ಲಿ ಫೆಬ್ರವರಿ 9ರಂದು ‘ತುರ್ತಾಗಿ ಬೇಕಿದೆ ಜಲವಾಹನ’ ಶೀರ್ಷಿಕೆ ಅಡಿ ವರದಿ ಪ್ರಕಟವಾಗಿತ್ತು.

ಅವಘಡ ಸ್ಥಳಕ್ಕೆ ಚಿಕ್ಕ ವಾಹನದಲ್ಲಿ ತೆರಳಿದಾಗ ಸಾರ್ವಜನಿಕರು ಕೆಲಬಾರಿ ಟೀಕೆಗಳನ್ನು ಮಾಡಿ ಗೇಲಿ ಮಾಡುತ್ತಿದ್ದರು. ದೊಡ್ಡ ಅವಘಡಗಳು ಸಂಭವಿಸಿದಾಗ ಬೆಂಕಿ ನಂದಿಸಲು ಆಗುತ್ತಿಲ್ಲ ಎಂಬ ಕೊರಗಿತ್ತು. ಆದರೆ ಹೊಸ ವಾಹನ ಬಂದಿರುವುದರಿಂದ ಅನುಕೂಲವಾಗಿದೆ ಎಂದರು ಅಗ್ನಿಶಾಮಕ ದಳದ ಸಿಬ್ಬಂದಿ ಸಂತಸ ವ್ಯಕ್ತಪಡಿಸಿದ್ದಾರೆ.