ಬೈಂದೂರು | ಆಂಬುಲೆನ್ಸ್‌ ಡಿಕ್ಕಿ: ಟೋಲ್‌ ಸಿಬ್ಬಂದಿ ಸಾವು

ಬೈಂದೂರು: ತಾಲ್ಲೂಕಿನ ಶಿರೂರು ಟೋಲ್‌ನಲ್ಲಿ ಶನಿವಾರ (ಮೇ 17) ರಾತ್ರಿ ಬೈಂದೂರು ಕಡೆಯಿಂದ ಭಟ್ಕಳ ಕಡೆಗೆ ರಾಷ್ಟ್ರೀಯ ಹೆದ್ದಾರಿ 66ರಲ್ಲಿ ಆಂಬುಲೆನ್ಸ್‌ ಡಿಕ್ಕಿಯಾಗಿ ಲೇನ್ ಬದಿ ರಸ್ತೆಯಲ್ಲಿ ಕರ್ತವ್ಯದಲ್ಲಿದ್ದ ಟೋಲ್‌ ಸಿಬ್ಬಂದಿ ಸಂದೀಪ್ ಬಾಲಸೊ ಸೂರ್ಯವಂಶಿ (25) ಮೃತಪಟ್ಟಿದ್ದಾರೆ.

ಚಾಲಕ ಅತಿ ವೇಗ, ಅಜಾಗರೂಕತೆಯಿಂದ ಆಂಬುಲೆನ್ಸನ್ನು ಚಲಾಯಿಸಿದ್ದರಿಂದ ಡಿಕ್ಕಿ ಹೊಡೆದಿದೆ ಎನ್ನಲಾಗಿದೆ. ಗಂಭೀರ ಗಾಯಗೊಂಡಿದ್ದ ಸಂದೀಪ್‌  ಅವರನ್ನು ಭಟ್ಕಳ ಸರ್ಕಾರಿ ಆಸ್ಪತ್ರೆಗೆ ಕರೆದುಕೊಂಡು ಹೋಗಿ, ಬಳಿಕ ಹೆಚ್ಚಿನ ಚಿಕಿತ್ಸೆಗಾಗಿ ಮಣಿಪಾಲ ಕೆಎಂಸಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಸಂದೀಪ್‌ ಭಾನುವಾರ ಸಂಜೆ ಮೃತಪಟ್ಟಿದ್ದಾರೆ. ಬೈಂದೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.