ನಾಯಿಗೆ ಬೆದರಿ ದಾರಿ ತಪ್ಪಿದ ಕಾಡುಕುರಿ

ಮುಂಡಗೋಡ: ನಾಯಿ ದಾಳಿಯಿಂದ ತಪ್ಪಿಸಿಕೊಂಡ ಕಾಡು ಕುರಿಯೊಂದು ದೇವಸ್ಥಾನದ ಸನಿಹ ಆಶ್ರಯ ಪಡೆದಿರುವು ದನ್ನು ಕಂಡ ಸಾರ್ವಜನಿಕರು ಅರಣ್ಯ ಇಲಾಖೆಗೆ ಒಪ್ಪಿಸಿದ ಘಟನೆ ಪಟ್ಟಣದ ಪಾರ್ವತಿ-ಪರಮೇಶ್ವರ ದೇವಸ್ಥಾನದ ಬಳಿ ನಡೆದಿದೆ.

ಕಾಡುಕುರಿಯ ಬೆನ್ನಿನ ಮೇಲೆ ಗಾಯದ ಗುರುತುಗಳಿರು ವುದು ಕಂಡು ಬಂದಿದ್ದು ನಾಯಿ ದಾಳಿ ಮಾಡಿರಬಹುದು ಎನ್ನ ಲಾಗಿದೆ. ಆಹಾರ ಅರಸುತ್ತ ನಾಡಿನೆಡೆಗೆ ಬಂದ ಕಾಡುಕುರಿ ನಾಯಿ ದಾಳಿಯಿಂದ ತಪ್ಪಿಸಿಕೊಂಡು ಚಿಕಿತ್ಸೆಯಲ್ಲಿ ಚೇತರಿಸಿ ಕೊಳ್ಳುತ್ತಿದೆ. ಅರಣ್ಯ ಇಲಾಖೆಯವರು ಚಿಕಿತ್ಸೆ ನೀಡಿ ದಾಂಡೇಲಿ ಅರಣ್ಯಕ್ಕೆ ಕಳಿಸಿಕೊಟ್ಟಿದ್ದಾರೆ.

ಕಳೆದ ಕೆಲ ತಿಂಗಳುಗಳ ಹಿಂದೆ ಕಾಡು ಕುರಿಯೊಂದು ಗಾಯಗೊಂಡು ರಸ್ತೆ ಸನಿಹ ಸಿಕ್ಕಿದ್ದಾಗ ಅದಕ್ಕೆ ಚಿಕಿತ್ಸೆ ನೀಡಿ ಮತ್ತೆ ಅರಣ್ಯಕ್ಕೆ  ಬಿಡಲಾಗಿತ್ತು.