ದಾಖಲೆಯಿಲ್ಲದ ₹ 56 ಲಕ್ಷ ವಶ: ಇಬ್ಬರ ಬಂಧನ
Published 18 ಫೆಬ್ರುವರಿ 2020, 15:36 IST
ಶಿರಸಿ ಪೊಲೀಸರು ವಶಪಡಿಸಿಕೊಂಡಿರುವ ದಾಖಲೆಯಿಲ್ಲದ ಹಣ ಹಾಗೂ ಆರೋಪಿಗಳು (ಕೆಳಗೆ ಕುಳಿತವರು), ಕಾರ್ಯಾಚರಣೆಯಲ್ಲಿ ಪಾಲ್ಗೊಂಡಿದ್ದ ಪೊಲೀಸರು (ನಿಂತವರು)
ಶಿರಸಿ: ದಾಖಲೆಯಿಲ್ಲದೇ ಸಾಗಾಟ ಮಾಡುತ್ತಿದ್ದ ₹ 56 ಲಕ್ಷ ನಗದನ್ನು ಮಂಗಳವಾರ ಇಲ್ಲಿ ವಶಪಡಿಸಿಕೊಂಡಿರುವ ಪೊಲೀಸರು, ಈ ಸಂಬಂಧ ಇಬ್ಬರನ್ನು ಬಂಧಿಸಿದ್ದಾರೆ. ಅಬ್ದುಲ್ ಮುತಲಿಫ್ (31), ಹೇರೂರಿನ ಅಬ್ದುಲ್ ಸೌದ್ ಅಲಿ (42) ಬಂಧಿತ ಆರೋಪಿಗಳು.
ಖಚಿತ ಮಾಹಿತಿ ಆಧರಿಸಿ, ಚಿಪಗಿ ಸರ್ಕಲ್‌ ಬಳಿ ದಾಳಿ ನಡೆಸಿದ ಪೊಲೀಸರು, ಹುಬ್ಬಳ್ಳಿಯಿಂದ ಮಂಗಳೂರಿಗೆ ವಾಹನದಲ್ಲಿ ಸಾಗಿಸುತ್ತಿದ್ದ ₹ 2000 ಮುಖಬೆಲೆಯ 404 ನೋಟುಗಳು, ₹ 500 ಮುಖಬೆಲೆಯ 7720 ಸೇರಿದಂತೆ ಒಟ್ಟು ₹ 56 ಲಕ್ಷ ನಗದನ್ನು ವಶಕ್ಕೆ ಪಡೆದಿದ್ದಾರೆ. ಡಿವೈಎಸ್ಪಿ ಜಿ.ಟಿ.ನಾಯಕ ಮಾರ್ಗದರ್ಶನದಲ್ಲಿ ಸಿಬ್ಬಂದಿ ಕೃಷ್ಣ ರೇವಣಕರ, ಪ್ರಶಾಂತ, ಚಂದ್ರಪ್ಪ, ಕೃಷ್ಣ, ಅನ್ಸಾರಿ, ರಾಜೇಶ, ಜೋಸೆಫ್, ರಾಜೇಶ ನಾಯ್ಕ, ಶ್ರೀಧರ ಅವರು ದಾಳಿಯಲ್ಲಿ ಪಾಲ್ಗೊಂಡಿದ್ದರು. ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.