ಸೋಲಾಪುರ: ವಿಶೇಷ ರೈಲುಗಳ ಅವಧಿ ವಿಸ್ತರಣೆ

ಸೋಲಾಪುರ: ಪ್ರಯಾಣಿಕರ ಜನದಟ್ಟಣೆಯನ್ನು ಗಮನದಲ್ಲಿರಿಸಿಕೊಂಡು ಮಧ್ಯ ರೈಲು ಸೋಲಾಪುರ ವಿಭಾಗದಿಂದ ಸಂಚರಿಸುವ ವಿಶೇಷ ರೈಲುಗಳ ಅವಧಿ ವಿಸ್ತರಣೆ ಮಾಡಲಾಗಿದೆ ಎಂದು ರೈಲ್ವೆ ವಿಭಾಗ ಪ್ರಕಟಣೆಯಲ್ಲಿ ತಿಳಿಸಿದೆ.

ಸೋಲಾಪುರ - ಲೋಕಮಾನ್ಯ ಟಿಳಕ ಟರ್ಮಿನಸ್ ಮುಂಬಯಿ -ಸೋಲಾಪುರ ಸಾಪ್ತಾಹಿಕ ವಿಶೇಷ ರೈಲು (01435/01436) ಸೆಪ್ಟಂಬರ್ 30ರ ವರೆಗೆ ಸಂಚರಿಸಲಿದೆ.

ಸೋಲಾಪುರ- ದೌಂಡ-ಸೋಲಾಪುರ (01461/01462), ಸೋಲಾಪುರ- ಕಲಬುರ್ಗಿ-ಸೋಲಾಪುರ (01465/01466) ನಿತ್ಯವೂ ಸಂಚರಿಸುವ ವಿಶೇಷ ರೈಲುಗಳ ಅವಧಿಯನ್ನು ಸೆಪ್ಟಂಬರ್ 30ರ ವರೆಗೆ ವಿಸ್ತರಿಸಿದೆ ಎಂದು ಮಧ್ಯ ರೈಲು ಸೋಲಾಪುರ ವಿಭಾಗದ ಜನ ಸಂಪರ್ಕ ವಿಭಾಗವು ಪ್ರಕಟಣೆಯಲ್ಲಿ ತಿಳಿಸಿದೆ.