ವಿಜಯಪುರ: ಗಾಂಜಾ ಬೆಳೆದಿದ್ದ ತಂದೆ, ಮಗನ ಬಂಧನ

ವಿಜಯಪುರ: ಸಿಂದಗಿ ತಾಲ್ಲೂಕಿನ ಬಳಗಾನೂರ ಗ್ರಾಮದಲ್ಲಿ ನಿಂಬೆ ಮತ್ತು ಬಾಳೆ ತೋಟದಲ್ಲಿ ರೈತರು ಬೆಳೆದಿದ್ದ ಗಾಂಜಾ ಗಿಡಗಳನ್ನು ಪೊಲೀಸರು ಪತ್ತೆ ಹಚ್ಚಿದ್ದಾರೆ.

ಬಳಗಾನೂರ ಗ್ರಾಮದ ಅರವಿಂದ ಮದರಿ(54) ಮತ್ತು ಅವರ ಮಗ ಪ್ರವೀಣ ಮದರಿ(25) ಬಂಧಿತ ಆರೋಪಿಗಳು. ಇವರು ತಮ್ಮ ಹೊಲದಲ್ಲಿ ಬೆಳೆದಿದ್ದ ಸುಮಾರು 46 ಕೆ.ಜಿ. ಹಸಿ ಗಾಂಜಾ ಮತ್ತು ಮೂರು ಕೆ.ಜಿ.ಒಣ ಗಾಂಜಾ ಸೊಪ್ಪನ್ನು ವಶಪಡಿಸಿಕೊಂಡು, ಆರೋಪಿಗಳನ್ನು ಬಂಧಿಸಿದ್ದಾರೆ.

ಪೊಲೀಸ್‌ ಇನ್‌ಸ್ಪೆಕ್ಟರ್‌ ಸುನೀಲ ಕಾಂಬಳೆ ನೇತೃತ್ವದ ಪೊಲೀಸರು ದಾಳಿ ನಡೆಸಿ, ವಶಪಡಿಸಿಕೊಂಡಿದ್ದಾರೆ.