ಕಲಾ ಸಹಾಯಕ ಲೋಕೇಶ್ ಆತ್ಮಹತ್ಯೆ

‘ಬೆಲ್ ಬಾಟಂ’ ಸಿನಿಮಾ ತಂಡದ ಕಲಾ ವಿಭಾಗದಲ್ಲಿ ಸಹಾಯಕ ಆಗಿ ಕೆಲಸ ಮಾಡಿದ್ದ ಲೋಕೇಶ್ ಎನ್ನುವವರು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

‘ಲೋಕೇಶ್ ಅವರು ಖಿನ್ನತೆಗೆ ತುತ್ತಾಗಿದ್ದರು ಎಂದು ಗೊತ್ತಾಗಿದೆ. ಬೆಂಗಳೂರಿನಲ್ಲಿ ತಮ್ಮ ಕೊಠಡಿಯಲ್ಲಿ ವಿಷ ಕುಡಿದು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ’ ಎಂದು ಅವರ ಆಪ್ತರು ತಿಳಿಸಿದ್ದಾರೆ.

‘ಬಹಳ ಬೇಜಾರು ಆಗುತ್ತಿದೆ. ಜೀವನ ನಡೆಸುವುದು ಹೇಗೆ? ಲಾಕ್‌ಡೌನ್‌ ತೆರವಾಗಿ ಮುಂದೆ ಎಲ್ಲವೂ ಸರಿಹೋಗಲಿದೆಯೇ ಎಂದು ಅವರು ತಮ್ಮ ಕೆಲವು ಸ್ನೇಹಿತರ ಬಳಿ ಕೇಳುತ್ತಿದ್ದರು. ಅವರಿಗೆ ಒಂಟಿತನ ಕಾಡುತ್ತಿತ್ತು. ಲಾಕ್‌ಡೌನ್‌ ಕಾರಣದಿಂದಾಗಿ ಕೆಲಸ, ಆದಾಯ ಇರಲಿಲ್ಲ’ ಎಂದು ಮೂಲಗಳು ಹೇಳಿವೆ.