ದರ್ಶನ ದರ್ಪಣ

ಉಪಯುಕ್ತ ಲೇಖನ
ಕುರ್ಕೆ ಪ್ರಶಾಂತ ಅವರ `ಕರೆಂಟ್ ಉಳಿಯಿತು, ಬದುಕು ಬೆಳಗಿತು~ ಲೇಖನ ಓದಿ ಅನೇಕ ಉಪಯೋಗಕರ ಮಾಹಿತಿಗಳನ್ನು ತಿಳಿದುಕೊಳ್ಳುವಂತಾಯಿತು. ನಾನೂ ದೊಡ್ಡಬಳ್ಳಾಪುರದವನಾಗಿದ್ದು, ನಮ್ಮ ತಾಲೂಕಿನ ನಾಲ್ಕು ಫೀಡರ್ ವ್ಯಾಪ್ತಿಯ ರೈತರು ಪಂಪ್‌ಸೆಟ್‌ನಲ್ಲಿ ಸುಧಾರಣೆ ಅಳವಡಿಸಿಕೊಳ್ಳುವ ಮೂಲಕ `ದೊಡ್ಡ ಪ್ರಮಾಣದ ವಿದ್ಯುತ್ ಅಪವ್ಯಯ ತಡೆಯುವಲ್ಲಿ ಯಶಸ್ವಿಯಾಗಿರುವುದು ಸಂತೋಷವೆನಿಸಿದೆ. ನಮ್ಮ ರೈತರು ಮಾದರಿ ರೈತರಾಗಿದ್ದು, ಸುತ್ತ ಮುತ್ತಲ ರೈತರು ಇದರಿಂದ ಪ್ರಭಾವಿತರಾಗುತ್ತಾರೆ.
 -ವಿ.ಹೇಮಂತಕುಮಾರ್, ಬೆಂಗಳೂರು


ಈ ಸಂಪ್ರದಾಯ ಸಾಕು
ಕುಂಚಗನೂರಿನ ಸುಂಗಟಾನ ಸಿದ್ಧಪ್ಪ ಮುತ್ಯಾನ ಜಾತ್ರೆಯಲ್ಲಿ ಮದ್ಯವನ್ನು ಪ್ರಸಾದ ರೂಪದಲ್ಲಿ ಕೊಡುವುದನ್ನು ಓದಿ ಬೇಸರವಾಯಿತು. ಆರೋಗ್ಯಕ್ಕೆ ಕಂಟಕವಾದ ಇಂತಹ ಕೆಟ್ಟ ಸಂಪ್ರದಾಯಕ್ಕೆ ಇತಿ ಹಾಡಲು ಆಡಳಿತವರ್ಗ ಮುಂದಾಗಲಿ.
 -ಸಾವಿತ್ರಮ್ಮ.ಕೆ.ವಿಭೂತಿ, ಹರಿಹರ