ಆಮಿ ಜಾಕ್ಸನ್‌ಗೆ ಸಲ್ಲು ಜತೆ ನಟಿಸುವಾಸೆ

‘ಬ್ರಿಟಿಷ್ ಬ್ಯೂಟಿ’ ಆಮಿ ಜಾಕ್ಸನ್‌ಗೆ ನಟ ಸಲ್ಮಾನ್ ಖಾನ್ ಜತೆ ನಟಿಸುವಾಸೆ. ಈ ಬಗ್ಗೆ ಸಲ್ಲು ಮತ್ತು ಆಮಿ ಭೇಟಿಯಾದಾಗಲೆಲ್ಲಾ ಮಾತಾಡಿಕೊಳ್ಳುತ್ತಾರೆಂತೆ. ಆದರೆ, ಅದಕ್ಕಿನ್ನೂ ಕಾಲ ಕೂಡಿಬಂದಿಲ್ಲ.

ಆಮಿ ಈಗಾಗಲೇ ಭಾರತೀಯ ಚಿತ್ರಗಳಲ್ಲಿ ಅಭಿನಯಸಿದ್ದು, ಸದ್ಯಕ್ಕೆ ದಕ್ಷಿಣದ ಸೂಪರ್ ಸ್ಟಾರ್ ರಜನೀಕಾಂತ್ ಅವರ ಜತೆ ‘2.0’ ಚಿತ್ರದಲ್ಲಿ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ. ಸಲ್ಮಾನ್ ಖಾನ್ ನಿರ್ಮಾಣದ ಚಿತ್ರವೊಂದರಲ್ಲೂ ಆಮಿ ನಟಿಸುತ್ತಿದ್ದಾರೆ. ಸಲ್ಮಾನ್‌ಗೆ ನಾಯಕಿಯಾಗಿ ನಟಿಸುವ ಕಾಲ ಬೇಗ ಕೂಡಿ ಬರಲಿ ಎಂಬುದು ಆ್ಯಮಿಯ ಬಯಕೆ.

ಈ ಬಗ್ಗೆ ಆಮಿ ಜತೆ ಚರ್ಚಿಸಿರುವ ಸಲ್ಲೂ ಈ ವರ್ಷದ ಅಂತ್ಯದೊಳಗೆ ಆಮಿ ಜೊತೆಗೆ ಬಣ್ಣ ಹಚ್ಚುವ ಸುಳಿವು ನೀಡಿದ್ದಾರೆ.