ಚೆನ್ನೈನಲ್ಲಿ ಮಳೆ: ಎರಡು ವಿಮಾನ ಹೈದರಾಬಾದ್‌ ನಿಲ್ದಾಣದತ್ತ ಮಾರ್ಗ ಬದಲು, 10 ವಿಮಾನ ತಡವಾಗಿ ಪ್ರಯಾಣ

ಚೆನ್ನೈ: ಮಳೆ ಹಾಗೂ ಹವಾಮಾನ ವೈಪರೀತ್ಯದಿಂದಾಗಿ ಎರಡು ವಿಮಾನಗಳು ಹೈದರಾಬಾದ್‌ ವಿಮಾನ ನಿಲ್ದಾಣದತ್ತ ಪ್ರಯಾಣ ಬೆಳೆಸಿದ್ದು ಹತ್ತು ವಿಮಾನಗಳ ಸಂಚಾರ ತಡವಾಗಿದೆ.

ಚೆನ್ನೈನಲ್ಲಿ ಮೋಡ ಕವಿದ ವಾತಾವರಣ ಇದ್ದು, ಭಾರೀ ಮಳೆ ಬೀಳುತ್ತಿರುವುದರಿಂದ ಇಲ್ಲಿ ಇಳಿಯಬೇಕಿದ್ದ ಎರಡು ವಿಮಾನಗಳನ್ನು ಹೈದರಾಬಾದ್‌ನ ವಿಮಾನನಿಲ್ದಾಣದಲ್ಲಿ ಇಳಿಸಲು ಮಾರ್ಗ ಬದಲಿಸಲಾಗಿದೆ. ಉಳಿದಂತೆ 10 ವಿಮಾನಗಳ ಪ್ರಯಾಣ ಆರಂಭ ತಡವಾಗಲಿದೆ ಎಂದು ವರದಿಯಾಗಿದೆ.