ನೌಕಾಪಡೆಗೆ ‘ಸುಮೇಧಾ’

ಪಣಜಿ (ಪಿಟಿಐ): ಹೊಸ ಮಾದರಿಯ, ಸಂಪೂರ್ಣ ಸ್ವದೇಶಿ ನಿರ್ಮಿತ ಕಡಲು ಗಸ್ತು ನೌಕೆ ‘ಐಎನ್‌ಎಸ್‌ ಸುಮೇಧಾ’ ಶುಕ್ರವಾರ ಅಧಿಕೃತವಾಗಿ ಭಾರತೀಯ ನೌಕಾಪಡೆಗೆ ಸೇರ್ಪಡೆಯಾಯಿತು.

ಈ ನೌಕೆಯ ವಿನ್ಯಾಸ ಹಾಗೂ ನಿರ್ಮಾ­ಣವನ್ನು ಗೋವಾ ಶಿಪ್‌­ಯಾರ್ಡ್ ಲಿಮಿಟೆಡ್‌ (ಜಿಎಸ್‌ಎಲ್‌) ಕೈಗೊಂ­ಡಿದೆ. ನೌಕಾಪಡೆಯ ವೈಸ್‌ ಅಡ್ಮಿರಲ್‌ ಅನಿಲ್‌ ಚೋಪ್ರಾ ಉಪಸ್ಥಿತಿ­ಯಲ್ಲಿ ಇಲ್ಲಿ ನಡೆದ ಸಮಾರಂಭದಲ್ಲಿ ನೌಕೆ­­-ಯನ್ನು ಸೇರ್ಪಡೆ ಮಾಡ­ಲಾಯಿತು. ಈ ಸಂದರ್ಭದಲ್ಲಿ ಮಾತನಾ­ಡಿದ ಚೋಪ್ರಾ, ‘ಸ್ವದೇಶಿ ನಿರ್ಮಿತ ಈ ನೌಕೆಯನ್ನು  ನಿಗದಿತ ಕಾಲಾವಧಿ­ಯೊಳಗೆ ನೌಕಾ ಪಡೆಗೆ ಸೇರ್ಪಡೆ ಮಾಡ­ಲಾಗಿದ್ದು ಇದಕ್ಕಾಗಿ ಜಿಎಸ್‌­ಎಲ್‌ ಕಾರ್ಯ ಅಭಿನಂದನಾರ್ಹ’ ಎಂದರು.

105 ಮೀಟರ್‌ ಉದ್ದದ ಈ ನೌಕೆ ಜಿಎಸ್‌ಎಲ್‌ ನಿರ್ಮಿತ 200ನೇ ನೌಕೆ­ಯಾಗಿದೆ. ಜಿಎಸ್‌ಎಲ್‌ ವ್ಯವ­ಸ್ಥಾಪಕ ನಿರ್ದೇಶಕ, ನಿವೃತ್ತ ನೌಕಾ ಅಧಿಕಾರಿ ಶೇಖರ್‌ ಮಿಟಾಲ್‌ ಉಪಸ್ಥಿತರಿದ್ದರು.