ಬಂದೂಕು ಪರವಾನಗಿ : ಉತ್ತರ ಪ್ರದೇಶ ಮುಂದು

ನವದೆಹಲಿ : ಅತೀ ಹೆಚ್ಚು ಬಂದೂಕು ಪರವಾನಗಿಗಳನ್ನು ಹೊಂದಿರುವ ರಾಜ್ಯಗಳ ಪೈಕಿ ಉತ್ತರ ಪ್ರದೇಶ ಮೊದಲ ಸ್ಥಾನದಲ್ಲಿದೆ. ಅಲ್ಲಿನ 12.79 ಲಕ್ಷ ಜನರು ಬಂದೂಕು ಬಳಸಲು ಪರವಾನಗಿ ಪಡೆದಿದ್ದಾರೆ.

ಭಯೋತ್ಪಾದಕರ ಸಮಸ್ಯೆ ಎದುರಿಸುತ್ತಿರುವ ಜಮ್ಮು ಮತ್ತು ಕಾಶ್ಮೀರ ಎರಡನೇ ಸ್ಥಾನದಲ್ಲಿದೆ. ಆ ರಾಜ್ಯದ 3.69 ಲಕ್ಷ ಜನರ ಬಳಿ ಬಂದೂಕು ಪರವಾನಗಿ ಇದೆ.

3.59 ಲಕ್ಷ ಬಂದೂಕು ಪರವಾನಗಿಗಳನ್ನು ನೀಡಿರುವ ಪಂಜಾಬ್‌, ಈ ಪಟ್ಟಿಯಲ್ಲಿ ಮೂರನೇ ಸ್ಥಾನ ಪಡೆದಿದೆ.  ಕರ್ನಾಟಕದ 1,13,631 ಮಂದಿ ಬಂದೂಕು ಬಳಸಲು ಪರವಾನಗಿ ಪಡೆದಿದ್ದಾರೆ.

ಕೇಂದ್ರ ಗೃಹ ಸಚಿವಾಲಯ ಈ ಅಂಕಿ ಅಂಶಗಳನ್ನು ಬಿಡುಗಡೆ ಮಾಡಿದೆ.

ಅದರ ಪ್ರಕಾರ, 31 ಡಿಸೆಂಬರ್ 2016ರವರೆಗೆ ದೇಶದಾದ್ಯಂತ ಬಂದೂಕು ಪರವಾನಗಿ ಹೊಂದಿರುವವರ ಸಂಖ್ಯೆ 33.69 ಲಕ್ಷ.

ಕೇಂದ್ರಾಡಳಿತ ಪ್ರದೇಶಗಳಾದ ದಾಮನ್‌ ಮತ್ತು ದಿಯು ಹಾಗೂ ದಾದ್ರಾ ಮತ್ತು ಹವೇಲಿಗಳಲ್ಲಿ ನೀಡಲಾಗಿರುವ ಬಂದೂಕು ಪರವಾನಗಿಗಳು 125.