ಭಾರತ, ಶುದ್ಧ ಇಂಧನದ ಜಾಗತಿಕ ಮಾರುಕಟ್ಟೆ: ಮೋದಿ

ರೇವ (ಮಧ್ಯಪ್ರದೇಶ): ‘ಶುದ್ಧ ಇಂಧನದ ಆಕರ್ಷಕ ಜಾಗತಿಕ ಮಾರುಕಟ್ಟೆಯಾಗಿ ಭಾರತ ಹೊರಹೊಮ್ಮಿದೆ’ ಎಂದು ಪ್ರಧಾನಿ ನರೇಂದ್ರ ಮೋದಿ ಶುಕ್ರವಾರ ಹೇಳಿದರು.

ಇಲ್ಲಿನ 750 ಮೆಗಾವಾಟ್‌ ಸಾಮರ್ಥ್ಯದ ಸೌರವಿದ್ಯುತ್‌ ಯೋಜನೆಗೆ, ವಿಡಿಯೊ ಸಂವಾದದ ಮೂಲಕ ಚಾಲನೆ ನೀಡಿ ಅವರು ಮಾತನಾಡಿದರು.

‘ರಾಜ್ಯವು ಶುದ್ಧ ಮತ್ತು ಅಗ್ಗದ ಇಂಧನದ ಪ್ರಮುಖ ಕೇಂದ್ರವಾಗಿ ಹೊರಹೊಮ್ಮಲಿದೆ. ಸೌರ ವಿದ್ಯುತ್‌ ಖಚಿತ, ಶುದ್ಧ ಮತ್ತು ಸುಭದ್ರವಾದುದು. ಅತಿ ಹೆಚ್ಚು ಸೌರವಿದ್ಯುತ್‌ ಉತ್ಪಾದಿಸುವ ಜಗತ್ತಿನ ಅತಿ ದೊಡ್ಡ ಐದು ರಾಷ್ಟ್ರಗಳಲ್ಲಿ ಭಾರತವೂ ಒಂದಾಗಿದೆ’ ಎಂದು ಮೋದಿ ಹೇಳಿದರು.