ಜಮ್ಮುವಿನಲ್ಲಿ ಒತ್ತುವರಿ ತೆರವು: ₹300 ಕೋಟಿ ಮೌಲ್ಯದ ಸರ್ಕಾರಿ ಜಾಗ ಮರುವಶ

ಜಮ್ಮು: ಕಾಂಗ್ರೆಸ್ ಪಕ್ಷದ ಇಬ್ಬರು ಮಾಜಿ ಸಚಿವರೂ ಸೇರಿದಂತೆ ಗಣ್ಯ ವ್ಯಕ್ತಿಗಳು ಒತ್ತುವರಿ ಮಾಡಿಕೊಂಡಿದ್ದ ₹300 ಕೋಟಿ ಮೌಲ್ಯದ ಸರ್ಕಾರಿ ಜಾಗವನ್ನು ಜಮ್ಮು ಆಡಳಿತ ಮರುವಶಪಡಿಸಿಕೊಂಡಿದೆ.

ಒತ್ತುವರಿ ತೆರವು ಕಾರ್ಯಾಚರಣೆ ವೇಳೆ ಅನೇಕ ಕಟ್ಟಡಗಳನ್ನು ನಾಶಪಡಿಸಲಾಗಿದೆ.

ಮರುವಶಪಡಿಸಿಕೊಳ್ಳಲಾಗಿರುವ ಸರ್ಕಾರಿ ಜಾಗದ ಮೌಲ್ಯವು ಮುದ್ರಾಂಕ ಶುಲ್ಕ ದರದ ಪ್ರಕಾರ ಸುಮಾರು ₹256 ಕೋಟಿ ಆಗಿದೆ. ಆದರೆ ಸದ್ಯದ ಮಾರುಕಟ್ಟೆ ದರ ₹300 ಕೋಟಿ ಇರಬಹುದು ಎಂದು ಅಂದಾಜಿಸಲಾಗಿದೆ.

76 ವರ್ಷಗಳ ಬಳಿಕ ಜಮ್ಮುವಿನಲ್ಲಿ 37 ಡಿಗ್ರಿ ಸೆಲ್ಸಿಯಸ್ ತಾಪಮಾನ

ವರದಿಗಳ ಪ್ರಕಾರ, ಕಂದಾಯ ಇಲಾಖೆ ಅಧಿಕಾರಿಗಳು ಸತ್‌ವಾರಿ ಪ್ರದೇಶದಲ್ಲಿ ಒತ್ತುವರಿ ತೆರವು ಕಾರ್ಯಾಚರಣೆ ನಡೆಸಿದ್ದಾರೆ. ಮಾಜಿ ಸಚಿವ ಹಾಗೂ ಕಾಂಗ್ರೆಸ್ ನಾಯಕ ತಾಜ್ ಮೊಹಿ–ಉದ್–ದಿನ್ ಅವರಿಗೆ ಸೇರಿದ, ಅಕ್ರಮವಾಗಿ ನಿರ್ಮಿಸಲಾಗಿದ್ದ ಅತಿಥಿಗೃಹ, ಡೇರಿ ಸಂಸ್ಕರಣಾ ಘಟಕವೊಂದನ್ನು ಕೆಡವಲಾಗಿದೆ. ಅಲ್ಲದೆ ಅಂಗಡಿ ಮತ್ತು ಕೆಲವು ಕಟ್ಟಡಗಳನ್ನು ನೆಲಸಮ ಮಾಡಲಾಗಿದೆ.

ಮೊಹಿ–ಉದ್–ದಿನ್ ಅವರು ಒತ್ತುವರಿ ಮಾಡಿಕೊಂಡಿದ್ದ 33 ಎಕರೆಗೂ ಹೆಚ್ಚು ಜಮೀನನ್ನು ಮರು ವಶಪಡಿಸಿಕೊಂಡಿರುವುದಾಗಿ ಉನ್ನತ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಕಾಶ್ಮೀರ ಕುರಿತು ಮುಫ್ತಿ ಹೇಳಿಕೆ: ಬಿಜೆಪಿ ಪಾಪದ ಫಲ ಎಂದು ಟೀಕಿಸಿದ ಸಂಜಯ್ ರಾವುತ್

ಆದರೆ, ಒತ್ತುವರಿ ತೆರವು ಕಾರ್ಯಾಚರಣೆ ವೇಳೆ ಕೆಡವಲಾಗಿರುವ ಕಟ್ಟಡಗಳು ತಮ್ಮ ಒಡೆತನದ್ದಲ್ಲ ಎಂದು ಮಾಜಿ ಸಚಿವರು ಹೇಳಿರುವ ದೃಶ್ಯ ತುಣುಕೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.

‘ತೆರವು ಮಾಡಲಾಗಿರುವ ಜಮೀನು ಮತ್ತು ಕಟ್ಟಡಗಳ ಪೈಕಿ ಕೆಲವು ನನ್ನ ಸಂಬಂಧಿಕರ ಹೆಸರಿನಲ್ಲಿವೆ. ಅವುಗಳನ್ನು ಅವರು ನ್ಯಾಯಯುತವಾಗಿಯೇ ಖರೀದಿಸಿದ್ದರು’ ಎಂದು ಅವರು ಹೇಳಿದ್ದಾರೆ.

370 ವಿಧಿ ರದ್ಧತಿ ವಿರುದ್ಧದ ಅರ್ಜಿಗಳ ವಿಚಾರಣೆ ಶೀಘ್ರ ನಡೆಯಲಿ: ಯೆಚೂರಿ