ಆ.3ಕ್ಕೆ ನೀಟ್–ಪಿಜಿ ಸಾಧ್ಯತೆ

ನವದೆಹಲಿ: ‘ನೀಟ್‌ –ಪಿಜಿ’ ಅನ್ನು ಆಗಸ್ಟ್‌ 3ರಂದು ಒಂದೇ ಪಾಳಿಯಲ್ಲಿ ನಡೆಸಲು ವೇಳಾಪಟ್ಟಿ ಪರಿಷ್ಕರಿಸಲು ಅನುಮತಿ ನೀಡಬೇಕು ಎಂದು ರಾಷ್ಟ್ರೀಯ ಪರೀಕ್ಷಾ ಮಂಡಳಿ (ಎನ್‌ಬಿಇ) ಸುಪ್ರೀಂ ಕೋರ್ಟ್‌ಗೆ ಅರ್ಜಿ ಸಲ್ಲಿಸಿದೆ.

ತಾಂತ್ರಿಕ ಪಾಲುದಾರರಾದ ಟಾಟಾ ಕನ್ಸಲ್ಟೆನ್ಸಿ ಸರ್ವೀಸಸ್‌ನ ದತ್ತಾಂಶಗಳ ಅನುಸಾರ ಇದು ಆದಷ್ಟು ಶೀಘ್ರ ಪರೀಕ್ಷೆ ನಡೆಸಬಹುದಾದ ದಿನಾಂಕ ಎಂದು ಎನ್‌ಬಿಇ ತಿಳಿಸಿದೆ. ಸುಪ್ರೀಂ ಕೋರ್ಟ್ ಮೇ 30ರಂದು ನೀಡಿದ್ದ ನಿರ್ದೇಶನದಂತೆ ಈ ಮಾಹಿತಿ ನೀಡಿದೆ. 

ಈ ಮೊದಲು ಜೂನ್‌ 15ರಂದು ಏಕ ಪಾಳಿಯಲ್ಲಿ ನೀಟ್ ಪಿಜಿ ನಡೆಸಲು ತೀರ್ಮಾನಿಸಲಾಗಿತ್ತು.