ಪಿಕಾರ್ಡ್ ಬ್ಯಾಂಕ್: ಬಾಕಿ ಹಣ 31ರೊಳಗೆ ಬಿಡುಗಡೆ

ಬೆಂಗಳೂರು:  ಕೃಷಿ ಮತ್ತು ಗ್ರಾಮೀಣಾಭಿವೃದ್ಧಿ (ಪಿಕಾರ್ಡ್) ಬ್ಯಾಂಕ್ ಗಳು ಮತ್ತು ಕೃಷಿ ಪತ್ತಿನ ಸಹಕಾರ ಸಂಘಗಳಿಗೆ ಬಡ್ಡಿ ರಿಯಾಯಿತಿ ಸಂಬಂಧ ನೀಡಬೇಕಾಗಿರುವ ಬಾಕಿ ಮೊತ್ತ ರೂ 142.70 ಕೋಟಿ ಹಣವನ್ನು ಇದೇ ತಿಂಗಳ 31ರೊಳಗೆ ಬಿಡುಗಡೆ ಮಾಡಲಾಗುವುದು ಎಂದು ಸಹಕಾರ ಮತ್ತು ಕೃಷಿ ಮಾರುಕಟ್ಟೆ ಸಚಿವ ಲಕ್ಷ್ಮಣ ಸವದಿ ಭರವಸೆ ನೀಡಿದರು.

ವಿಧಾನಪರಿಷತ್ತಿನಲ್ಲಿ ಮಂಗಳ  ವಾರ ಪ್ರಶ್ನೋತ್ತರ ವೇಳೆಯಲ್ಲಿ ಪಕ್ಷೇತರ ಸದಸ್ಯ ಮರಿತಿಬ್ಬೇಗೌಡ ಅವರ ಪ್ರಶ್ನೆಗೆ ಸವದಿ ಉತ್ತರಿಸಿದರು.

2007-08ರ ವರೆಗಿನ ಎಲ್ಲ ಮೊತ್ತಗಳನ್ನು ಪೂರ್ಣವಾಗಿ ಬಿಡುಗಡೆ ಮಾಡಲಾಗಿದೆ. 2008-09ನೇ ಸಾಲಿನ ಒಟ್ಟು ಬೇಡಿಕೆಗಳ ಪೈಕಿ ರೂ 14.33 ಕೋಟಿ ಹಾಗೂ 2009-10ನೇ ಸಾಲಿನ ಮೊತ್ತ ರೂ 128.38 ಕೋಟಿ ಹೀಗೆ ಒಟ್ಟಾರೆಯಾಗಿ ರೂ 142.70 ಕೋಟಿ ಬಿಡುಗಡೆಗೆ ಬಾಕಿ ಇದೆ ಎಂದು ಅವರು ಹೇಳಿದರು.