ವೀರಶೈವ ಮಹಾಸಭಾ ಅಧ್ಯಕ್ಷ ತಿಪ್ಪಣ್ಣ

ಬೆಂಗಳೂರು: ಅಖಿಲ ಭಾರತ ವೀರಶೈವ ಮಹಾಸಭಾದ ರಾಜ್ಯ ಘಟಕದ ನೂತನ ಅಧ್ಯಕ್ಷರಾಗಿ ಎನ್‌.ತಿಪ್ಪಣ್ಣ ಆಯ್ಕೆಯಾಗಿದ್ದಾರೆ.

ಅಧ್ಯಕ್ಷ ಸ್ಥಾನಕ್ಕೆ ಭಾನುವಾರ ಚುನಾವಣೆ ನಡೆಯಿತು. ಇದರಲ್ಲಿ ತಿಪ್ಪಣ್ಣ ಅತ್ಯಧಿಕ ಮತಗಳ ಅಂತರದಿಂದ ಗೆಲುವು ಸಾಧಿಸಿದರು.

ಒಟ್ಟು 16,899 ಮತಗಳಲ್ಲಿ 7966 ಮತಗಳು ಚಲಾವಣೆ ಆಗಿತ್ತು. ತಿಪ್ಪಣ್ಣ 7707 ಮತಗಳನ್ನು ಪಡೆದರೆ, ಪ್ರತಿಸ್ಪರ್ಧಿ ಕೆ.ಎನ್‌.ಪುಟ್ಟಬುದ್ಧಿ 242 ಮತಗಳನ್ನು ಪಡೆದರು.

ತಿಪ್ಪಣ್ಣ ಐದು ವರ್ಷಗಳ ಅವಧಿಗೆ ಅಧ್ಯಕ್ಷರಾಗಿರುತ್ತಾರೆ ಎಂದು ಚುನಾವಣಾ ಅಧಿಕಾರಿ ವಿ. ಉಮೇಶ ಅವರು ತಿಳಿಸಿದ್ದಾರೆ.