ಬ್ರಿಟಿಷ್ ಸೈನಿಕರ ಮೆರವಣಿಗೆಯಲ್ಲಿ ಸಿಖ್ ಪೇಟಾ ಧರಿಸಲಿರುವ ಸಿಂಗ್

ಲಂಡನ್: ಬ್ರಿಟಿಷ್ ರಾಜಮನೆತನ ಆಚರಿಸುವ ವಾರ್ಷಿಕ ಮೆರವಣಿಗೆಯಲ್ಲಿ ಸಿಖ್‌ ಸೈನಿಕ ಚರಣಪ್ರೀತ್ ಸಿಂಗ್ ಲಾಲ್ (22) ತಮ್ಮ ಪಾರಂಪರಿಕ ಸಿಖ್ ಪೇಟಾವನ್ನೇ ಧರಿಸಿ ಭಾಗವಹಿಸಲಿದ್ದಾರೆ. ಈ ಮೆರವಣಿಗೆಯಲ್ಲಿ ಬ್ರಿಟಿಷ್‌ ಶೈಲಿಯ ಕರಡಿ ಕೂದಲಿನ ದೊಡ್ಡ ಟೋಪಿಯನ್ನು ಸೈನಿಕರು ಧರಿಸುವುದು ವಾಡಿಕೆ.

ಒಂದು ಸಾವಿರ ಬ್ರಿಟಿಷ್ ಸೈನಿಕರ ರೀತಿಯಲ್ಲಿಯೇ ಕಪ್ಪುಬಣ್ಣದ ಪೇಟಾವನ್ನು ಧರಿಸುತ್ತಿದ್ದಾರೆ. ಈ ಸಮಾರಂಭದಲ್ಲಿ ಇವರ ಪೋಷಕರು ಹಾಗೂ ಸಹೋದರಿ ಭಾಗಿಯಾಗಲಿದ್ದಾರೆ.

‘ಬ್ರಿಟಿಷ್‌ ಶೈಲಿಯ ಟೋಪಿ ಬದಲಿಗೆ, ಸಿಖ್‌ ಪೇಟಾವನ್ನು ಧರಿಸಿ ಮೆರವಣಿಗೆಯಲ್ಲಿ ಭಾಗವಹಿಸುತ್ತಿರುವುದು ಖುಷಿಯ ಸಂಗತಿ. ಬ್ರಿಟಿಷ್ ಬೆಂಗಾವಲು ಪಡೆಯ ಭಾಗವಾಗುತ್ತಿರುವುದಕ್ಕೆ ಹೆಮ್ಮೆ ಎನಿಸುತ್ತಿದೆ’ ಎಂದಿದ್ದಾರೆ ಚರಣಪ್ರೀತ್ ಸಿಂಗ್ ಲಾಲ್.